რა (ვერ) თქვა „4 ოქტომბრის საქმის" მთავარმა გამომძიებელმა ე.წ. ორგანიზატორებზე

• განსაკუთრებული მნიშვნელობის ობიექტების ხელში ჩაგდების მცდელობა ჩადენილი ჯგუფურად;

• ჯგუფური ძალადობის ორგანიზება და ხელმძღვანელობა.

ბერიძის წინააღმდეგ საქმეში წარმოდგენილ ვიდეოს შორის არის კადრი, სადაც ის პრეზიდენტის სასახლის ეზოში დგას პაატა ბურჭულაძის გვერდით; ვიდეო თავისუფლების მოედანზე, სადაც ის სცენაზე დგას და ასევე ვიდეო, რომ ის იყო 4 ოქტომბრის აქციის საორგანიზაციო კომიტეტის წევრი.

ბერიძის ადვოკატმა, რამაზ ჩინჩალაძემ გამომძიებელს ჰკითხა, იყო თუ არა მოწოდებები ლაშა ბერიძის მხრიდან, სახელმწიფო ხელისუფლების დამხობის შესახებ – გამომძიებელმა თქვა, რომ ლაშა ბერიძის მხრიდან ამგვარი მოწოდება არ ყოფილა.

ადვოკატი ასევე დაინტერესდა, მოუწოდებდა თუ არა ბერიძე ვინმეს, რომ შესულიყვნენ ადმინისტრაციის ეზოში ან შენობაში? ან რაიმე ჟესტიკულაცია ხომ არ გამოუყენებია მას? გამომძიებელმა აღნიშნა, რომ მათ შორის ლაშა ბერიძემ ხელით ჟესტიკულაციით მოუწოდა ხალხს. გამომძიებელმა დასძინა, რომ ვიდეოს ხმა არ აქვს.

მან მოგვიანებით ზემოთ აღნიშნულს დაამატა სიტყვა – „როგორც მახსოვს”. ადვოკატის შეკითხვაზე, ეს „როგორც მახსოვს” ნიშნავს თუ არა, რომ შეიძლება ცდებოდეს, აღნიშნა, რომ „შეიძლება, ზუსტად არ მახსოვდეს, შეიძლება ვცდები, კი ბატონო, არაა გამორიცხული, მაგრამ როგორც მახსოვს ჟესტიკულაციით უთითებს”.

ადვოკატმა განაგრძო დაკითხვა და დაინტერესდა: ლაშა ბერიძე მოუწოდებდა თუ არა აქციის მონაწილეთა გარკვეულ ჯგუფს პოლიციისთვის გაეწია წინააღმდეგობა. „ეგეთი არ მახსოვს” – იყო პასუხი.

მიუთითებდა თუ არა ლაშა ბერიძე ვინმეს, რომ დაეზიანებინა და გადაენგრია ღობე, ხომ არ მიუთითებდა ვინმეს ქვების შეგროვებაზე, ნივთების დაზიანებაზე, ცეცხლის წაკიდებაზე? გამომძიებლის თქმით, „ლაშა ბერიძის მხრიდან არ ყოფილა ასეთი მოწოდება”.

მთავარმა გამომძიებელმა ასევე აღნიშნა, რომ პრეზიდენტის სასახლის ეზოში შესული ლაშა ბერიძე რამდენიმე წუთის შემდეგ ბრუნდება უკან. 

ასევე იხილეთ

ლაშა ბერიძე გამომძიებელს: იდენტიფიცირებული არ გყავთ ის ხალხი, ვინც პირველად მიაწვა ღობეს და გადაანგრია

13 მარტი, 2026

რატომ გამოდის ის სასახლიდან, აიძულა ვინმემ თუ საკუთარი ინიციატივით გამოდის? – ამ შეკითხვაზე გამომძიებელმა აღნიშნა, რომ „შიგნით ეზოში განლაგებულნი იყვნენ სამართალდამცავები, იცავდნენ სასახლის პერიმეტრს, აქედან გამომდინარე, გამოვიდა… ვერ მოახერხა თავის მიზნის სისრულეში მოყვანა. მათი მიზანი იყო, რომ ჩაეგდოთ ხელში პრეზიდენტის სასახლე… სამართალდამცველების მიმართ წინააღმდეგობა არის ისიც, რომ მიგითითებენ – არ შეხვიდე და მაინც აგრძელებ და შედიხარ. ეგეც წინააღმდეგობაა”.

მოწმეს ჰკითხეს, თუმცა ვერ გაიხსენა პასუხი – წიწაკის სპრეით მხედველობაშეზღუდული პაატა ბურჭულაძე გამოჰყავს თუ არა ლაშა ბერიძეს ხელმოკიდებული. მოწმემ აღნიშნა, რომ წინ მოდიოდა ბურჭულაძე, უკან კი მოჰყვებოდა ლაშა ბერიძე. გამოჰყავდა თუ არა ბერიძეს ის ხელკავით, არ ახსოვს.

მერიიდან მიღებული ნებართვა აქციის გამართვაზე

გამომძიებელს ადვოკატმა ბექა ბასილაიამ ჰკითხა, იყო თუ არა ინფორმირებული, რომ ორგანიზატორთა მხრიდან მიმართული იყო მერიისადმი აქციის გამართვასთან დაკავშირებით. ასევე იყო თუ არა ინფორმირებული, რომ მერიის მხრიდან მიღებული იყო პასუხიც/ნებართვა.

გამომძიებელმა აღნიშნა, რომ არ იცის. ბასილაიას თქმით, ბურჭულაძემ როგორც 4 ოქტომბერს, ასევე 4 ოქტომბრამდეც განაცხადა, რომ მიმართული ჰქონდა მერიისადმი და ეს ინფორმაცია საჯაროდ იყო გავრცელებული. მაშინ, როდესაც გამოძიება ათვალიერებდა კადრებს, ჩანაწერებს 4 ოქტომბერთან დაკავშირებით, რატომ არ დაინტერესდა და მერიისადმი მიმართვა მტკიცებულების სახით რატომ არ წარმოადგინეს საქმეში.

„აქციის გამართვა დანაშაული ხომ არ არის?! ოღონდ ზომიერების ფარგლებში უნდა იყოს. იმ შემთხვევაში როცა უკვე დანაშაული იქნებოდა ჩადენილი, მაგ შემთხვევაში უკვე…” – აღნიშნა გამომძიებელმა. მისივე თქმით, არც საგამოძიებო ჯგუფში და არც პროკურორის მხრიდან არ ყოფილა ამ საკითხის განხილვა – დაერთოთ თუ არა ეს ინფორმაცია საქმეზე.

ორგანიზება – რაში გამოიხატა ის?

ბასილაიამ თავდაპირველად იკითხა, 4 ოქტომბერს გავრცელებულ ე.წ. საორგანიზაციო კომიტეტის ვიდეოში და ხალხის შეკრებაში დანაშაულებრივი რამ დაინახა თუ არა გამოძიებამ?

„მაგ კონკრეტულ ვიდეოში კონკრეტული დანაშაულებრივი ქმედება მათი მხრიდან არ ყოფილა, უბრალოდ დააანონსეს აქცია და დაასახელეს ორგანიზატორების ვინაობა”, – უპასუხა გამომძიებელმა.

ბასილაიამ მას შეკითხვები ასევე დაუსვა ბრალდებულებისთვის ბრალად წარდგენილ 225-ე მუხლზე, რაც ჯგუფური ძალადობის ორგანიზებას ითვალისწინებს.

მუხლის განმარტება ასეთია – დანაშაული ორგანიზებული ჯგუფის მიერაა ჩადენილი, თუ იგი განახორციელა დროის განსაზღვრულ პერიოდში არსებულმა, შეთანხმებულად მოქმედმა, სტრუქტურული ფორმის მქონე ჯგუფმა, რომლის წევრები წინასწარ შეკავშირდნენ ერთი ან რამდენიმე დანაშაულის ჩასადენად ან რომლის მიზანია პირდაპირ ან არაპირდაპირ ფინანსური ან სხვა მატერიალური სარგებლის უკანონოდ მიღება.

სტრუქტურული ფორმის მქონე ჯგუფად მიიჩნევა ჯგუფი, რომელიც არ არის შემთხვევით შექმნილი დანაშაულის დაუყოვნებლივ ჩასადენად და რომელშიც არ არის აუცილებელი, ფორმალურად იყოს განაწილებული როლები მის წევრთა შორის, წევრობას ჰქონდეს უწყვეტი ხასიათი ან ჩამოყალიბებული იყოს განვითარებული სტრუქტურა.

ბასილაიას შემდგომი შეკითხვები სწორედ აქედან იყო განპირობებული, არსებობდა თუ არა საქმეში მტკიცებულებების ორგანიზების, როლების განაწილების, დაგეგმვის:

„თუ არსებობს იმ ვიდეოს გარდა რაიმე მტკიცებულება, როდესაც პაატა მანჯგალაძე, ლაშა ბერიძე, ირაკლი ნადირაძე, პაატა ბურჭულაძე, მურთაზ ზოდელავა ან ხუთივე ერთად ან რამდენიმე ან ცალ-ცალკე წინასწარ ხვდებოდნენ და ერთმანეთში საუბრობდნენ, რომ დავიწყოთ რბევა, დავიწყოთ სასახლეში შეჭრა? მსგავსი რამ ხომ არ არის წარმოდგენილი საქმეში, ან ხომ არ არსებობს რაიმე ოპერატიული ინფორმაცია?”, – იკითხა ბასილაიამ.

პროკურატურამ ამ კითხვის განრიდება მოითხოვა.

შემდგომ კი ბასილაიამ გამომძიებელს სთხოვა, მიეთითებინა, რომელ ვიდეოშია ამ ხალხის მიერ ჯგუფური ძალადობის ორგანიზების შესახებ საუბარი. მან ასევე იკითხა, არსებობდა თუ არა რაიმე ისეთი მტკიცებულება, რომ ამ ხალხმა, განცხადების გარდა, არასაჯაროდ, წინასწარ შეთანხმებით, დაგეგმეს, ან რაიმე ინფორმაციები გაცვალეს? გარდა იმისა, რაც ტელევიზიით მოვისმინეთ. ამის მიღმა, არსებობს თუ არა რამე?

„გარდა იმისა, რაც წარმოდგენილია სისხლის სამართლის საქმეში, ის ვიდეომასალისა, სხვა რა თქმა უნდა არაფერი არაა”, – იყო გამომძიებლის პასუხი.

„გავიგე, რომ სცენიდან რაღაც ითქვა.  შემდგომ რაც მოხდა, ამას რაიმე ტიპის ორგანიზებული ფორმა ჰქონდა ან რამე ჯგუფები არსებობდა, ან ვინმე რაიმე როლი გააჩნდა – ამის მტკიცებულება არსებობს?”, – იკითხა ასევე ბასილაიამ.

„კონკრეტული მოწოდება, რომ გამოყოფილიყო მამაკაცური ძალა – ერთ-ერთი ნაწილი იყო ეგეც, რომ მიუთითა მამაკაცურ ძალაზე. რომ წამოსულიყვნენ და მომხდარიყო ძალადობრივი ზემოქმედება…”, – აღნიშნა გამომძიებელმა და დასძინა ისიც, რომ კონკრეტული დავალებების მიცემა [არ არსებობს].

• განსაკუთრებული მნიშვნელობის ობიექტების ხელში ჩაგდების მცდელობა ჩადენილი ჯგუფურად;

• ჯგუფური ძალადობის ორგანიზება და ხელმძღვანელობა;

• მოწოდება სახელმწიფო ხელისუფლების დამხობისკენ.

• განსაკუთრებული მნიშვნელობის ობიექტების ხელში ჩაგდების მცდელობა ჩადენილი ჯგუფურად;

• ჯგუფური ძალადობის ორგანიზება და ხელმძღვანელობა.

• ჯგუფური ძალადობის ორგანიზება.

ირაკლი შაიშმელაშვილს:

• მოწოდება სახელმწიფო ხელისუფლების დამხობისკენ;