პარლამენტში სახალხო დამცველის ანგარიშს მოუსმინეს. „ქართული ოცნების“ დეპუტატმა რიმა ბერაძემ ყურადღება გაამახვილა ზაზა გახელაძის საქმეზე და მას დაბადების დღე მიულოცა. ბერაძემ ნინო ლომჯარიას ამ საკითხზე კითხვაც დაუსვა:
„მე მაქვს კითხვა თქვენთან – როგორ ფიქრობთ, რა არის ის ღონისძიება, რომელიც შესაძლებელია უშუალოდ თქვენ განახორციელოთ და რას აკეთებდით ამ პერიოდის განმავლობაში, რათა დასრულდეს ეს უკანონო პატიმრობა და ზაზა გახელაძე დაუბრუნდეს თავის ოჯახს“, – განაცხადა რიმა ბერაძემ.
მისივე თქმით, ამ საქმის გამო კრიტიკასა და ქმედების გააქტიურებისკენ მოწოდებებსაც ისმენს. ბერაძემ ასევე აღნიშნა, რომ საკითხში საქართველოს პატრიარქის ჩართვა მისასალმებელია.
