ეროვნული ვალუტა კვლავ გაუფასურდა | 1 დოლარი - 3,23 ლარი ; 1 ევრო - 3,45 ლარი

ეროვნული ვალუტა დოლართან მიმართებით – 5,09, ხოლო ევროსთან – 3,48 თეთრით გაუფასურდა. ეროვნული ბანკის 24 მარტის მონაცემებით 1 დოლარის ღირებულება 3,23 , ხოლო 1 ევრო 3,45 ლარს შეადგენს.

კორონავირუსის პანდემიით გამოწვეული კრიზისული სიტუაციის გამო ლარი 10 დღის განმავლობაში დოლართან მიმართებით 40 თეთრით გაუფასურდა.

19 მარტს ეროვნული ვალუტის გამყარების მიზნით, ეროვნულმა ბანკმა რეზერვებიდან 40 მილიონი აშშ დოლარი გაყიდა, რის შემდეგაც ლარი ერთი დღით გამყარდა. თუმცა, რამდენიმე დღის შემდეგ ეროვნულმა ვალუტამ კვლავ გაუფასურება განაგრძო.