„ევროპის სახალხო პარტია“ აქვეყნებს ტვიტებს, სადაც საქართველოს ხელისუფლებას მოუწოდებს, ოპოზიციის უფლებები არ შეზღუდოს და კონსტრუქციულ დიალოგის დაუბრუნდეს.
„მოვუწოდებთ საქართველოს, გააგრძელოს სვლა ევროკავშირის ღირებულებებისკენ და ოპოზიციის დემოკრატიული უფლების შეზღუდვის ნაცვლად კონსტრუქციულ დიალოგს დაუბრუნდეს, მოძებნოს კომპრომისული გამოსავალი, რომელიც საქართველოს ყველა მოქალაქეს სარგებელს მოუტანს“, – ნათქვამია პარტიის განცხადებაში.
EPP is deeply concerned by the recent legislative initiative of the ruling party of Georgia, directed against the biggest opposition party that is supported by one third of the Georgian population.
— EPP (@EPP) December 23, 2020
ამასთან, „ევროპის სახალხო პარტია“ შეშფოთებას გამოხატავს პარტია „ქართული ოცნების“ მიერ გაჟღერებული საკანონმდებლო ინიციატივის გამო.
„ევროპის სახალხო პარტია ღრმად არის შეშფოთებული საქართველოს მმართველი პარტიის ბოლოდროინდელი საკანონმდებლო ინიციატივის გამო, რომელიც მიმართულია ყველაზე დიდი ოპოზიციური პარტიის წინააღმდეგ, რომელსაც საქართველოს მოსახლეობის ერთი მესამედი უჭერს მხარს“, – აღნიშნულია განცხადებაში.
We urge Georgia to continue moving towards declared EU values, and instead of restricting the democratic right of the opposition to return to constructive dialogue, to find a compromise solution which would benefit all Georgian citizens.
— EPP (@EPP) December 23, 2020
დღეს, საქართველოს მე-10 მოწვევის პარლამენტში „ქართული ოცნების“ დეპუტატებმა 1-ლი მოსმენით, 83 დეპუტატის მხარდაჭერით, მიიღეს კანონპროექტი, რომელიც პარტიების დაფინანსების წესის ცვლილებას ითვალისწინებს.
