CRRC-ის საზოგადოებრივი კვლევა „კავკასიის ბარომეტრის“ თანახმად, მოსახლეობის 27% ამბობს, რომ ფული ჰყოფნის მხოლოდ საკვებზე, 13%-ის თქმით, ფული არ ჰყოფნის საკვებზე.
გამოკითხულთა მხოლოდ 4% ამბობს, რომ საშუალება აქვს, შეიძინოს ყველაფერი, რაც სჭირდება.
შეკითხვაზე: ბარათზე ჩამოთვლილთაგან, რა უფრო კარგად აღწერს თქვენი ოჯახის ეკონომიკურ მდგომარეობას? – პასუხები ასე განაწილდა:
- ფული არ გვყოფნის საკვებზე – 13%;
- ფული გვყოფნის მხოლოდ საკვებზე, მაგრამ არ გვყოფნის ტანსაცმელზე – 27%;
- ფული გვყოფნის საკვებზეც და ტანსაცმელზეც, მაგრამ არ გვაქვს საშუალება, შევიძინოთ ძვირადღირებული საყოფაცხოვრებო ნივთები, როგორებიცაა მაცივარი ან სარეცხი მანქანა – 42%;
- საშუალება გვაქვს, შევიძინოთ ძვირადღირებული საყოფაცხოვრებო ნივთები, როგორებიცაა მაცივარი ან სარეცხი მანქანა – 12%;
- საშუალება გვაქვს, შევიძინოთ ყველაფერი, რაც გვჭირდება – 4%;
- არ ვიცი – 1%;
- უარი პასუხზე – 2%.
ასევე, შეკითხვაზე – ბოლო 6 თვის განმავლობაში რამდენჯერ მოუწია თქვენს ოჯახს ფულის სესხება საკვების შესაძენად? სესხებაში არ იგულისხმება ბანკის ვალი/კრედიტი, თუმცა ითვლება ნისია ადგილობრივ მაღაზიაში, 56% ამბობს, რომ არასდროს, ხოლო 27%-ის თქმით, უფრო იშვიათად.
- ყოველკვირეულად – 3%;
- ყოველთვიურად – 6%;
- ყოველ მეორე თვეს – 4%;
- უფრო იშვიათად – 27%;
- არასდროს – 56%;
- არ ვიცი – 3%;
- უარი პასუხზე – 2%.
კვლევა „კავკასიის ბარომეტრი” ორგანიზაცია CRRC-იმ ჩაატარა.
კვლევის საველე სამუშაოები 2024 წლის 16 აპრილიდან 13 მაისამდე პერიოდს მოიცავს. გამოიკითხა 1 509 რესპონდენტი – საქართველოს ზრდასრული მოსახლეობა (18 წელი და ზემოთ), ოკუპირებულ ტერიტორიებზე მცხოვრები მოსახლეობის გარდა. გამოკითხვის მეთოდი – კომპიუტერის მეშვეობით პირისპირი გამოკითხვა (CAPI).
