გიგი უგულავასა და ირაკლი ოქრუაშვილის შეწყალებას ევრონესტის საპარლამენტო ასამბლეაში ევროპარლამენტის დელეგაციის თავმჯდომარე ანდრიუს კუბილიუსი ეხმაურება.
„მნიშვნელოვანი მოვლენა საქართველოში – პრეზიდენტმა ზურაბიშვილმა ორი ოპოზიციის ლიდერი შეიწყალა, თბილისის ყოფილი მერი გიგი უგულავა და ყოფილი თავდაცვის მინისტრი ირაკლი ოქრუაშვილი. სწორი მიმართულებით გადადგმული ნაბიჯი. ჩემი მილოცვა პრეზიდენტ ზურაბიშვილს”, – წერს კუბილიუსი ტვიტერზე.
Important development in #Georgia – President Zurabishvili has pardoned two opposition leaders, former Mayor of Tbilisi Gigi Ugulava and former Minister of Defense Irakli Okruashvili. Step to right direction. My congratulations to Pres @Zourabichvili_S https://t.co/7KaQSsYIk7
— Andrius Kubilius (@KubiliusA) May 15, 2020
დღეს საქართველოს პრეზიდენტმა სალომე ზურაბიშვილმა გიგი უგულავასა და ირაკლი ოქრუაშვილის შეწყალების აქტი გამოსცა. ამის შესახებ მან განცხადება სპეციალურ ბრიფინგზე გააკეთა.
