ფოტო
წელიწადში ერთხელ, ე.წ. ყველიერის კვირის ბოლო დღეს კახეთის ერთ-ერთ სოფელში, დიდ ჩაილურში მოსახლეობას ბერიკების ყიჟინი აღვიძებს. ეს დღეობა წელს 17 მარტს დაემთხვა. საიდან მოდის ბერიკაობის წარმოშობის ისტორია, ზუსტად არავინ იცის. იგი სხვადასხვა ფორმით საქართველოს სხვადასხვა კუთხეში და სხვადასხვა სოფელშია შემორჩენილი. თუმცა, დიდი ჩაილურის მოსახლეობა, რომელიც ამ დღეს განსაკუთრებულად აღნიშნავს, ამ ტრადიციას გაზაფხულის მოსვლას უკავშირებს. სწორედ ბერიკები არიან ისინი, ვის ხმაურსა და ჟრიამულსაც გაზაფხული მოჰყავს.
უხილავ ძაფებს ადგილებსა და ადამიანებს შორის ყოველთვის ვაბამთ. ადგილები ზოგჯერ უმიზეზოდ გვიყვარდება. ისინი მნიშვნელობას ზოგჯერ ადამიანების მიხედვითაც იძენენ - იქ ის გავიცანი, აქ ეს ვნახე.
დღეს სოფელ გუმათში ნამახვანჰესის წინააღმდეგ აქცია 4 საათისთვის დაიწყო. პოლიციას ამ ადგილზე გზა აქვს გადაკეტილი და პროტესტის მონაწილეებს სოფელ ნამოხვანში არ უშვებს.
ჭიათურის მუნიციპალიტეტის სოფელ შუქრუთის მცხოვრებლების პროტესტი უკვე რამდენიმე დღეა თბილისში, ამერიკის საელჩოსთან, გრძელდება. 8 ადამიანმა პროტესტის უკიდურეს ფორმას მიმართა – შიმშილობა გამოაცხადა, რამდენიმემ კი პირი ამოიკერა.
„ხშირად ვმოგზაურობდი და გაჩერებების შემჩნევა დავიწყე. ძალიან გამომსახველი სტრუქტურები ჰქონდათ, რაც ქართულ არქიტექტურაში მანამდე არასდროს შემიმჩნევია. ამიტომ დოკუმენტალიზაცია დავიწყე. თავიდან კარგი კამერა არ მქონდა, ფოტოებსაც ასე, გარბენით ვიღებდი. რამდენიმე კარგი ფოტო გამომივიდა, შემდეგ კი კარგი კამერაც ვიყიდე და დავიწყე გაჩერებების გადასაღებად სიარული. ასე გრძელდება დღემდე“, - ამბობს ის.
18 ნოემბერი, 2019 წელი. თბილისი, პარლამენტის შენობის მიმდებარე ტერიტორია. საკანონმდებლო ორგანოს პიკეტირების მეორე დღეს, სპეცრაზმმა აქციის მონაწილეების დაშლა დაიწყო. მათ წინააღმდეგ გამოიყენეს წყლის ჭავლი. მოქალაქეებისა და სხვადასხვა პოლიტიკური პარტიის პროტესტი პროპორციული საარჩევნო სისტემის შესახებ კონსტიტუციური კანონპროექტის ჩაგდებას მოჰყვა.
ნამახვანჰესის წინააღმდეგ სოფელ ნამოხვანში ადგილობრივი მოსახლეობისა და სხვადასხვა რეგიონიდან ჩასული ჰესის მოწინააღმდეგეების მორიგი აქცია გაიმართა.
2021 წელმა არაერთი პოლიტიკური, სოციალური თუ ეკონომიკური მოვლენით დაგვამახსოვრა თავი. გადაავლეთ თვალი „პუბლიკის“ ფოტოებს, რომლებიც გასული წლის მნიშვნელოვან მომენტებს ასახავს.
შსს-ს ცნობით, მხოლოდ 26 სექტემბერს ლარსის გავლით საქართველოში რუსეთის 10 000-ზე მეტი მოქალაქე შემოვიდა. საზღვრის გადმოკვეთის შემდეგ ჟურნალისტებთან ბევრი არ საუბრობს. ვინც ჩერდება, ამბობს, რომ ე.წ. მობილიზაციას გამოექცა და ომის წინააღმდეგია. თითქმის არავინ იცის - უკან როდის დაბრუნდება.
მგონია, რომ ადამიანების ოცნებები და სურვილები მათზე ძალიან ბევრს ჰყვება, ბევრს მოგვითხრობს მათ გრძნობებზე, აღქმებზე, ცხოვრების სტილსა და გარესამყაროსთან დამოკიდებულებაზე. სომერსეტ მოემი ამბობდა, რომ „ოცნება მიზნების წინაპირობაა“. ასე რომ, „ოცნების“ სერიის გადაღების მიზეზიც სწორედ ამ ადამიანების უკეთ გაცნობა, მათი მენტალობის, ღირებულებებისა და მიზნების გამოკვლევა იყო.
წინასაახალწლოდ ქუჩაში სავაჭროდ გამოსულ ადამიანებს საზეიმო ღონისძიებების პარალელურად გადარჩენისთვის ბრძოლა უწევთ. მათი გადაწყვეტილება, გამოვიდნენ გარეთ და იზრუნონ შემოსავალზე არჩევანი სულაც არ არის. ყოველი მათგანი აღნიშნავს, რომ „ასე მოუწიათ“.
20-21 ივნისის მოვლენების ერთი წლის თავზე მოძრაობა „სირცხვილიამ“ რუსთაველის გამზირზე საპროტესტო აქცია გამართა. 19:00 საათზე დაწყებულ აქციაზე მისულ მოქალაქეები 2-მეტრიან დისტანციის დაცვით, სპეციალურად დაკრულ სტიკერებზე იდგნენ. სტიკერებზე რუსეთის პრეზიდენტი ვლადიმერ პუტინი იყო გამოსახული.