„ქართული ოცნების“ ოფისთან, სადაც ბიძინა ივანიშვილი ევროკავშირის ელჩებს ხვდება, მოძრაობა „შეცვალეს“ სამი წევრი დააკავეს.
პარტიის ოფისთან საპროტესტო აქცია მიმდინარეობდა, რა დროსაც დააკავეს მონაწილეები. შსს-ში „პუბლიკას“ დაუდასტურეს, რომ დაკავებულია სამი პირი ადმინისტრაციული წესით.
შინაგან საქმეთა სამინისტროს ინფორმაციით, საქმის წარმოება ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (ხულიგნობა) მუხლებითაა დაწყებული.
