აჭარის ჯანდაცვის მინისტრი, ნინო ნიჟარაძემ რეგიონის ეპიდსიტუაციაზე ისაუბრა. ნიჟარაძის ინფორმაციით, გასული 24 საათის განმავლობაში აჭარაში ახალი შემთხვევების რაოდენობა 241-ია.
როგორც აჭარის ჯანდაცვის მინისტრი აღნიშნავს, გამოჯანმრთელდა 192 პირი. გამოჯანმრთელებულთა რაოდენობა 1300-ზე მეტია. ნიჟარაძემ ჟურნალისტებთან საუბრისას აღნიშნა, რომ აჭარაში გარდაცვალების ერთი შემთხვევა დაფიქსირდა.
„ამ ეტაპზე კლინიკებში არის 515 პაციენტი. თავისუფალი საწოლების რაოდენობა მერყეობს 70-90-მდე. რიცხვი, საათების მიხედვით, მუდმივად ცვალებადია. რეანიმაციული 24 პაციენტი გვყვავს და მათ შორის, ხელოვნური სუნთქვის აპარატზე გვყვავს 6 პაციენტი“, – აღნიშნა ჯანდაცვის მინისტრმა.
ნინო ნიჟარაძის განცხადებით, მობილიზებულია 600-ზე მეტი საწოლი, რომელიც საჭიროა აღნიშნული პირების სამედიცინო მომსახურებისათვის.
„დამატებით მობილიზდა 20 რეანიმაციული საწოლი ბათუმის რესპუბლიკურ საავადმყოფოში და სულ 45 ინტენსიური თერაპიის რეანიმაციული საწოლი გაუწევს მომსახურებას აღნიშნული საჭიროების მქონე პაციენტებს“, – განაცხადა ნიჟარაძემ.
დღეს საქართველოში კორონავირუსის 448 ახალი შემთხვევა დაფიქსირდა.
თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის ინფორმაციით, კორონავირუსის ახალი შემთხვევები რეგიონებში შემდეგნაირად ნაწილდება:
- აჭარა – 241;
- იმერეთი – 98;
- თბილისი – 62;
- სამეგრელო-ზემო სვანეთი -15;
- სამცხე-ჯავახეთი – 9;
- გურია – 7;
- შიდა ქართლი – 7;
- კახეთი – 2;
- იმპორტირებული – 6.
