ირანის სასულიერო, სამხედრო და სახელმწიფო ლიდერმა აიათოლა ალი ხამენეიმ ტვიტერზე მორწმუნეებს ეროვნული კომიტეტის რეკომენდაციების გათვალისწინებისკენ მოუწოდა და განაცხადა, რომ ირანში ყველა სახის ღვთისმსახურება დროებით შეწყვეტილია.
„ყველამ უნდა მიადევნოს თვალი ეროვნული კომიტეტის რეკომენდაციებს კორონავირუსთან გამკლავებისთვის. რელიგიური შეკრებებიც კი გაუქმდა ირანში, რაც უპრეცედენტო მოვლენაა ჩვენს ისტორიაში, თუმცა ეს გარდაუვალი იყო. დაე, ღმერთმა დაიფაროს და განკურნოს ამ დაავადებისგან ადამიანები“,– წერია ხამენეის განცხადებაში.
ირანში, დღეის მდგომარეობით, კორონავირუსით 21 638 ადამიანია ინფიცირებული, ვირუსის შედეგად გარდაცვლილი კი – 1685.
Everyone should observe the guidelines of the National Committee for Combating #Coronavirus. Even religious gatherings are canceled in #Iran, which is unprecedented in our history. But it’s unavoidable.
May God protect & heal all the people of the world from this disease.— Khamenei.ir (@khamenei_ir) March 22, 2020
