საქართველოში კორონავირუსით 6 პაციენტი გარდაიცვალა

პუბლიკა

დღეს, 22 ოქტომბერს საქართველოში კორონავირუსისგან 6 პაციენტი გარდაიცვალა. StopCov.ge-ს განახლებული მონაცემებით, დაინფიცირდა კიდევ 1595 ადამიანი და გამოჯანმრთელდა 398 პაციენტი.

აჭარის ჯანდაცვის სამინისტროს ცნობით, გარდაცვლილთაგან 5 ბათუმის სხვადასხვა კლინიკაში აღირიცხა. მათ შორის:

81 წლის, რესპუბლიკურ საავადმყოფოში. დიაგნოზი: კორონავირუსი, ორმხრივი პნევმონია, სუნთქვის მწვავე უკმარისობა და შოკი;

49 წლის, რესპუბლიკურ საავამდყოფოში. დიაგნოზი: კოვიდ 19, ორმხრივი პნევმონია, სუნთქვის მწვავე უკმარისობა, ანემია, შოკი დაუზუსტებელი, გულის გაჩერება. თანმხლები დაავადებები: თირკმლის ქრონიკული უკმარისობა, იყო დიალიზდამოკიდებული.

40 წლის, რესპუბლიკური საავამდყოფო. კორონავირუსის თანმხლებად ჰქონდა C ჰეპატიტი, ღვიძლის დაავადება.

66 წლის, კლინიკა „მედინა“. დიაგნოზი: მიოკარდიუმის ინფარქტი, მძიმე სარქვლოვანი პატოლოგია, მარჯვენამხრივი, კოვიდ 19, პნევმონია;

60 წლის, ქობულეთის სამედიცინო ცენტრში. დიაგნოზი: ორმხრივი მწვავე პნევმონია, გულის უკმარისობა.

განახლებული მონაცემები ასე გამოიყურება:

  • კორონავირუსის დადასტურებული შემთხვევა – 22803;
  • მათ შორის გამოჯანმრთელებული – 9401;
  • მათ შორის გარდაცვლილი – 178;
  • კარანტინის რეჟიმში – 4408;
  • სტაციონარში მეთვალყურეობის ქვეშ – 3155;
  • კოვიდ სასტუმროში მყოფი პირები – 1848;
  • უცხოეთიდან სამკურნალოდ გადმოყვანილი საქართველოს მოქალაქეები – 41.