4 აპრილს გლოვის დღედ ვაცხადებთ - მაია სანდუ ბუჩაში მომხდარ დანაშაულზე

პუბლიკა

მოლდოვის პრეზიდენტი, მაია სანდუ ამბობს, რომ 4 აპრილს უკრაინაში დაღუპული ადამიანების ხსოვნისადმი მიძღვნილ გლოვის ეროვნულ დღედ გამოაცხადებენ.

„ჩვენ, მთელ სამყაროსთან ერთად, შოკირებულნი ვართ კიევის მახლობლად, ქალაქ ბუჩაში მომხდარი ხოცვა-ჟლეტით.

მოლდოვა მკაცრად გმობს კაცობრიობის წინააღმდეგ ჩადენილ ამ დანაშაულს, ისევე, როგორც გმობს რუსეთის ფედერაციის მიერ უკრაინის წინააღმდეგ წამოწყებულ უკანონო და არაპროვოცირებულ ომს.

ჩვენ, 2022 წლის 4 აპრილს გამოვაცხადებთ გლოვის ეროვნულ დღეს უკრაინაში ბოლო 39 დღის განმავლობაში დაღუპული ყველა უდანაშაულო ადამიანის ხსოვნისადმი“, – წერს მაია სანდუ.