გუშინ, 13 აპრილს გრანდ რეპიდსის პოლიციამ გაავრცელა ვიდეოჩანაწერი, სადაც ჩანს, როგორ ესვრის თეთრკანიანი ოფიცერი შავკანიან კაცს თავში. 26 წლის პატრიკ ლიოია ადგილზევე დაიღუპა.
ინფორმაციის მიხედვით, რომელსაც The New York Times ავრცელებს, პოლიციის დეპარტამენტი ოფიცრის ვინაობას არ ასახელებს. გარდაცვლილის ოჯახი და ადვოკატი კი ოფიცრის სამსახურიდან სასწრაფოდ გათავისუფლებას მოითხოვს.
გაფრთხილება! – მასალა შეიცავს ძალადობის კადრებს
Newly released video shows a Grand Rapids (MI) police officer shooting unarmed 26 yo Patrick Lyoya while he was on the ground & facing away from the officer! Patrick never used violence against this officer even though the officer used violence against him in several instances. pic.twitter.com/5vNSWDYUpz
— Ben Crump (@AttorneyCrump) April 13, 2022
შემთხვევა გასულ კვირას მოხდა. სროლამდე გადაღებულ ვიდეოკადრებში ჩანს, რომ ოფიცერმა პატრიკ ლიოიას მანქანა გააჩერა. პოლიცია მას მართვის მოწმობის ჩვენებას სთხოვდა, რადგან მისი სანომრე ნიშნები არ ემთხვეოდა მის მანქანას.
სიტყვიერ შელაპარაკებას ფიზიკური დაპირისპირება მოჰყვა.
როგორც The New York Times ამბობს, ვიდეოკადრების მიხედვით, გასროლამდე რამდენიმე წუთით ადრე, ოფიცერი, რომელიც 26 წლის კაცს ზურგზე აწევს, მას ეუბნება, რომ პოლიციის ელექტროშოკს ხელი გაუშვას და სახით მიწაზე დაწვეს, შემდეგ კი ესვრის.
გრანდ რაპიდში, სადაც დაახლოებით 200 000 ადამიანი ცხოვრობს და მოსახლეობის 18% შავკანიანია. აქტივისტებმა თავიანთი პოზიცია და მწუხარება გამოხატეს საქალაქო კომისიის სხდომაზე. მათ რამდენიმე საათის განმავლობაში ისაუბრეს, რომ წლების განმავლობაში ქალაქის ლიდერები უმოქმედო იყვნენ საპოლიციო დანაშაულებზე.
მომდევნო დღეს, ვიდეოს გამოქვეყნების შემდეგ კი, მათ მასშტაბური საპროტესტო აქცია გამართეს პოლიციის შენობასთან.
Protesters have now gathered outside a barricaded Grand Rapids Police Department demanding justice for Patrick Lyoya. The officer who shot and killed him has not been named or charged pending an ongoing investigation. #PatrickLyoya pic.twitter.com/zs43kbu8MU
— Omar Jimenez (@OmarJimenez) April 13, 2022
New York Times-ის ბოლო გამოძიების მიხედვით, ამერიკელმა პოლიციელებმა გასული ხუთი წლის განმავლობაში, 400-ზე მეტი მძღოლი მოკლეს, რომლებიც იყვნენ შეუიარაღებელნი და არ იყვნენ დევნაში რაიმე დანაშაულისთვის.
