სახალხო დამცველის აპარატი აქვეყნებს პრაქტიკულ სახელმძღვანელოს სექსუალური შევიწროების შესახებ, რომელიც მიზნად ისახავს, აამაღლოს საზოგადოების ცნობიერება და დაეხმაროს სხვადასხვა სფეროს წარმომადგენლებს.
პრაქტიკულ სახელმძღვანელოში დეტალურად გაეცნობით შემდეგ საკითხებს:
- სექსუალური შევიწროების შესახებ ადგილობრივი და საერთაშორისო სტანდარტები;
- სექსუალური შევიწროების დეფინიცია და მტკიცების ტვირთი;
- სექსუალური შევიწროების აკრძალვისა და პრევენციის შიდა ორგანიზაციული პოლიტიკის დოკუმენტების და გასაჩივრების მექანიზმის მნიშვნელობა;
- პრინციპები, რომელთაც უნდა ეყრდნობოდეს სექსუალური შევიწროების ფაქტების შესწავლა.
პრაქტიკული სახელმძღვანელო მომზადებულია გაეროს ქალთა ორგანიზაციის პროექტის „ერთობლივი ძალისხმევა ქალთა ეკონომიკური გაძლიერებისთვის საქართველოში“ ფარგლებში, ნორვეგიის საგარეო საქმეთა სამინისტროს მხარდაჭერით.
