„კიბერ ხოკერა“ - მოგზაურობა მედიის განვითარების ეპოქებში

ფასიანი განთავსება

მართალია, რომ Tik-Tok მუსიკალური ბენდია? პირველი ფერადი ანიმაციური ფილმი მართლა 1932 წლით თარიღდება? – ამ შეკითხვებით მიმართა მკვლევარმა მარიამ დანგაძემ ახალი თამაშის, „კიბერ ხოკერასწარდგენისას აუდიტორიას. მათ, ვინცმედიის განვითარების ფონდისმედიაწიგნიერების ფორუმზე ხელის აწევით არასწორ პასუხებზე შეაჩერეს არჩევანი, შესვენებისას გამძაფრებული აზარტით გააგრძელესკიბერ ხოკერასთამაში. 

ხოკერა“ MDF-ის რიგით მე-9 თამაშია, რომელიც მომხმარებელს მედიის განვითარების სამ ეპოქაში ამოგზაურებს. თამაშის პირველი საფეხური ბეჭდური მედიის ეპოქას ეხება, მეორესამაუწყებლო მედიას, ბოლო საფეხური კიციფრულ მედიას. გარდა ამისა, შეკითხვები ეხება კიბერუსაფრთხოებასაც. როგორც თამაშის წარმდგენი აღნიშნავს, საფეხურებად დაყოფა მოთამაშეებს მეტ მოტივაციას სძენს.

თამაშის თითოეული ეტაპი შედგება 10 შეკითხვისგან, რომელიცმედიის განვითარების ფონდისჯგუფმა შეიმუშავა. ჯამში თამაშისთვის შედგენილია 180-მდე შეკითხვა, შესაბამისად, რამდენიმე ცდის შემთხვევაში, შეკითხვები არ განმეორდება. თითოეულ ეპოქაზე შეკითხვები ეხება როგორც ისტორიას, ასევე ტექნიკურ საკითხებს.

მაგალითად, სამაუწყებლო მედიის ეპოქაში ტექნიკური კითხვები ასეთია – რა არის ინტერვიუ? ან სტოპკადრი? განვითარების ისტორიიდან კი შეკითხვები ეხება პირველ რადიოს, პირველ გაზეთს და ა..“, – ამბობს მარიამ დანგაძე, MDF-ის მკვლევარი.

სწორი პასუხის გაცემისას გველის სიგრძე იზრდება სწორედ ისე, როგორც ეს შავთეთრი ტელეფონებისსნეიკიდანგვახსოვს. ოღონდ თანამედროვეხოკერაბევრად უფრო ფერადი, მრავალფეროვანი და მიმზიდველია. ამაზე ილუსტრატორმა ზიზი ნიშნიანიძემ და დეველოპერმა მარიამ ტარიელაშვილმა იზრუნეს. მოთამაშეს სულ 5 სიცოცხლე აქვს, თითოეული არასწორი პასუხი ერთის დაკარგვას ნიშნავს. ბოლო, ციფრულ ეპოქაში მოსახვედრად კი ერთი სიცოცხლე მაინც უნდა შეინარჩუნოთ.

ცნობილი თამაშის ადაპტაციის იდეა გაჩნდა 2020 წელს და ისყველაზე მედიაწიგნიერი სკოლისკონკურსის მონაწილე გუნდს ეკუთვნის. თავდაპირველი ჩანაფიქრით, „ხოკერამხოლოდ კიბერუსაფრთხოების შესახებ უნდა ყოფილიყო. თუმცა, როგორც მარიამ დანგაძე გვიყვება, ორგანიზაციაში ძალიან ბევრი იფიქრეს, როგორ ექციათ თამაში კიდევ უფრო მიმზიდველად ახალგაზრდებისთვის, როგორ შემოეტანათხოკერასასპარეზზე თემატურად უფრო მრავალფეროვანი შეკითხვები.

რადგანაც კიბერუსაფრთხოება მაინც ისეთი რამ არის, რომ სწორ და არასწორ ფაქტობრივ პასუხებამდე შეიძლება ვერ დაიყვანო, ამიტომ ვიფიქრეთ, კარგი იქნებოდა, თუ თამაშის სახით გადმოვცემდით მედიის განვითარების ისტორიას. დღეს ყველანი ვიყენებთ სოციალურ მედიას, ტრადიციულ მედიას უფრო ნაკლებად იყენებენ ახალგაზრდები, მაგრამ ყოველთვის საინტერესოა საიდან დაიწყო ეს ყველაფერი. ახლაც, ბავშვები რომ თამაშობდნენ ამ თამაშს, ძალიან ბევრი საინტერესო და უცხო ფაქტი იყო მათთვის. ეს მოეწონათ და დაამახსოვრდათ. გვაქვს კითხვები რომლებიც ეხება ლიტერატურასაც, კინოს, მუსიკას და ეს უფრო მეტ ინტერესს შეიძლება იწვევდეს ახალგაზრდებში“, – ამბობს მარიამ დანგაძე.

მისივე თქმით, სირთულიდან გამომდინარე, თამაში შეიძლება განსაკუთრებით საინტერესო იყოს მაღალკლასელი მოსწავლეებისთვის, ასევე ჟურნალისტიკით დაინტერესებული სტუდენტებისთვის. „ხოკერა“, შესაძლოა, დამხმარე რესურსად ისტორიის მასწავლებლებმაც გამოიყენონ, მედიის განვითარების ისტორიის ან გუტენბერგის ეპოქის სწავლებისას. 

მარიამ დანგაძე

მომხმარებელი თამაშის საშუალებით არა მხოლოდ ტრადიციული და ახალი მედიის შესახებ იღებს ინფორმაციას, არამედ ციფრულ სამყაროში უსაფრთხო ნავიგაციის უნარსაც იძენს.

ციფრული მედიის ეპოქაში კითხვები შეეხება ციფრულ უსაფრთხოებასაც, უსაფრთხო პაროლების გამოყენებასაც და გარკვეულწილად გვეხმარება, რომ ამ დიდ ინფორმაციულ ქაოსში შევძლოთ ნავიგაცია, მივიღოთ სწორი ინფორმაცია და სწორად დავამუშაოთ“, – ამბობს მარიამ დანგაძე და დასძენს, რომკიბერ ხოკერასპირველი ორი ეტაპი მოთამაშეს ეხმარება, კარგად აღიქვას მედიის განვითარების დინამიკა, გაიაზროს, რა დრო გავიდა მას შემდეგ, რაც ინფორმაციის გავრცელების მხოლოდ ბეჭდური წყაროები არსებობდა და როგორ მოვედით ინტერნეტის ეპოქამდე, სადაც კიდევ უფრო გამახვილებული სიფრთხილე გვმართებს.

კიბერ ხოკერა“ „მედიის განვითარების ფონდისსხვა თამაშებთან ერთად ხელმისაწვდომია Millab.ge-ზე, როგორც ქართულ, ასევე ინგლისურ ენებზე. თავსებადია ანდროიდსა და IOS-თანაც.