ავსტრია პირველად გამოაძევებს რუს დიპლომატს. ის „პერსონა ნონ გრატად“ გამოაცხადეს. ამის შესახებ ინფორმაციას ავსტრიული მედია ავრცელებს.
გამოცემა დიპლომატის ვინაობას არ ასახელებს. მან ავსტრია 1 სექტემბრამდე უნდა დატოვოს.
ავსტრიის ხელისუფლების ცნობით, დიპლომატი ჯაშუშურ საქმიანობას ეწეოდა ოთხი წლის განმავლობაში, ერთ-ერთ მაღალტექნოლოგიურ კომპანიაში.
როგორც Kronen Zeitung წერს, თავდაპირველად ავსტრიის ერთ-ერთმა მოქალაქემ აღიარა ჯაშუშობა. სწორედ მან დაასახელა თავის კურატორად რუსი დიპლომატი, რომელმაც გამოიყენა დიპლომატიური იმუნიტეტი და უარი თქვა ჩვენების მიცემაზე.
