მოქალაქეთა დანაზოგებს საფრთხე არ ემუქრება - საპენსიო სააგენტო

პუბლიკა

საპენსიო სააგენტო განცხადებას ავრცელებს, სადაც ნათქვამია, რომ არასწორია მედიაში გავრცელებული ინფორმაცია და მოქალაქეთა დანაზოგებს საფრთხე არ ემუქრება.

„საუბარი იყო იმაზე, რომ ქვეყანაში არსებული ინფლაციის მაღალი მაჩვენებელი წარმოადგენს გამოწვევას დანაზოგებისთვის, რასაც შედეგად ბუნებრივია მოსდევს რეალური ამონაგების (ნომინალურ ამონაგებს – ინფლაცია) შემცირება.

ამასთან, გვინდა აღვნიშნოთ, რომ მაღალი ინფლაციის დროს რეალური ამონაგების შემცირება დროებითი, მოკლევადიანი მოვლენაა და არ იწვევს მოქალაქეთა შენატანების შემცირებას. მას გავლენა აქვს მხოლოდ დარიცხულ რეალურ სარგებელზე”, – ამბობენ სააგენტოში.

სააგენტოში ასევე აცხადებენ, რომ  საპენსიო სააგენტოს საინვესტიციო პორტფელის მომგებიანობა აგრძელებს ზრდას იმ დროს, როდესაც გლობალურად თითქმის ყველა აქტივის კლასის ფასები მნიშვნელოვნად შემცირებულია.

 

LB loan image desktop LB loan image mobile