რუსულმა არმიამ უკრაინაში მშვიდობიან მოქალაქეებზე კიდევ ერთი სარაკეტო იერიში მიიტანა. რუსებმა ოდესის ოლქში, წუხელ ღამით საკურორტო დასახლება სერჰიივკა დაბომბეს.
„უკრაინსკაია პრავდას“ ინფორმაციით, დაბომბვისას განადგურდა 9-სართულიანი საცხოვრებელი კორპუსი და დაიღუპა 18 ადამიანი, მათგან ორი ბავშვია. დაშავდა 30 ადამიანი, რომლებიც საავადმყოფოში გადაიყვანეს.
სამაშველო სამუშაოები გრძელდება, მაშველები არ გამორიცხავენ, რომ ნანგრევების გაწმენდის შემდეგ დაღუპულთა ცხედრები კიდევ იპოვონ.
