პაატა შამუგიას ფრანგულად გამოცემული პოეტური კრებული „შიზოგადოება“ მალარმეს პრემიის ფინალშია. ინფორმაციას მწერალთა სახლი ავრცელებს.
მალარმეს აკადემიის ჟიურიმ, რომელიც 30 წევრისგან შედგება, თარგმანის ნომინაციაში 8 ფინალისტი შეარჩია. გამარჯვებული ნოემბერში, ბრივის წიგნის ბაზრობაზე გამოვლინდება.
კრებული ფრანგულად მწერალთა სახლის ხელშეწყობით გამომცემლობა La Traductière-ს მიერ დაიბეჭდა. თარგმნა ბაჩანა ჩაბრაძემ.
სტეფან მალარმეს სახელობის ლიტერატურული პრემია 1937 წლიდან გაიცემა.
