“2012 წელს ბიძინა ივანიშვილის მეთაურობით დაწყებულმა დემოკრატიულმა მოძრაობამ გაათავისუფლა ქვეყანა, პირდაპირ ვიტყოდი, ნეობოლშევიკური რეჟიმისგან. მაშინ ჩვენი ამოცანა კონსტიტუციიდან გასული უზურპატორების კანონის ჩარჩოში დაბრუნება იყო. ეს მისია ქართველმა ხალხმა წარმატებით შეასრულა. ახლა ჩვენ იმავე ამოცანის წინაშე ვდგავართ“

“გახსოვთ, ალბათ, ასოცირების ხელშეკრულება, თავისუფალი მიმოსვლის რეჟიმი. თუნდაც ახლა თავდაცვის სისტემაში მიმდინარე რეფორმები, საერთაშორისო ურთიერთობები და კავშირები, მათ შორის აშს-სა და ევროკავშირის სტრუქტურებთან, რასაკვირველია, განაპირობებს იმას, რომ ირაკლი ღარიბაშვილი გვწამდეს და საფუძველი გვქონდეს ვიფიქროთ, რომ იქნება წარმატებული პრემიერ-მინისტრი. არის კიდევ ერთი ნიუანსი, რომელსაც ყურადღება უნდა მივაქციოთ. ის არის საკმაოდ ჩამოყალიბებული ექსპერტი არაერთ საკითხში. დაწყებული უცხო ენებიდან დამთავრებული ეკონომიკის და სოციალური პროგრამების საკითხებზე, რაც ესოდენ მნიშვნელოვანია ჩვენი ქვეყნისათვის.“

“„ირაკლი ღარიბაშვილი არის ევრო-ატლანტიკური ინტეგრაციის გზაზე უდიდესი ძალა – ევროკავშირთან ასოცირების ხელშეკრულების ხელმომწერი და ნატოსთან ყველაზე მჭიდრო ურთიერთობის სტადიაზე ქართული თავდაცვის გადამყვანი. წარმატებას ვუსურვებ ირაკლის“, – წერს „ქართული ოცნების“ დეპუტატი თამარ ტალიაშვილი Facebook-ზე.“

“პოლიტიკურ გადაწყვეტილებას მივიღებთ და ყველაფერი თავის ადგილზე დადგება. ქვეყანაში სტაბილურობა შენარჩუნებული იქნება და მომავლის პერსპექტივა არ შეიცვლება. სტრატეგია ქვეყანას არ ეცვლება, ყველაფერი დადგება თავის ადგილზე.“

“არასწორად დაყენების შემთხვევაში ორი სიტყვა არის ერთმანეთთან დაპირისპირებული. ერთი არის კომფორტი, მეორე არის უსაფრთხოება. ლიბერალებს კომფორტული უსაფრთხოება უფრო აწყობთ, მაგრამ ჩვენ, ექიმები მოწოდებული ვართ, ვთქვათ ასეთი რამ - უსაფრთხო კომფორტი. უსაფრთხო უნდა იყოს ის კომფორტული გარემო, უსაფრთხო პირობებში უნდა იყოს ყველაფერი ის, ბიზნესი, რომ მერე არც სახელი შეგერაცხოს და არც სხვისი დაავადების შემთხვევაში მოგიწიოს დამატებითი თანხების გაღება, რომ იმ ადამიანს შენ უმკურნალო“

“კაცი რომ ხინკლით გასკდება, და მივა და არჩევნებს გააყალბებს; კაცი, რომ დარბის იმისთვის, რომ ხმები შეუგროვოს „ქართულ ოცნებას", რადგან საღამოს პურს აჭმევენ და 20-ლიტრიან ბოცას დაუდგამენ... იმას რა ღირებულებები უნდა მოსთხოვო? ეს კატეგორია ბევრი არ არის, მაგრამ არიან, ობიექტურად ვთქვათ“

“ბაიდენს რომ ვუსმენდი, მეგონა ჩვენი პროგრამა ჰქონდა, ასე ვთქვათ, რაღაცა... ესაა ჩვენი პროგრამა, რომელიც მარშალის გეგმაშიც იყო ასახული.“

“მე წლების წინ ვთქვი, რომ მე მოვედი ერისკაცთან, ბიძინა ივანიშვილთან, ვიყავი მისი ერთგული თანამებრძოლი, ვარ და დავრჩები სიცოცხლის ბოლომდე. ვფიქრობ, რომ როდესაც მიდის ამ კატეგორიის, ამ შეუფასებელი დონის ადამიანი პოლიტიკიდან, მე - მის თანამებრძოლს, არ მრჩება ძალა, იმიტომ, რომ ის იყო ჩემთვის ყველაფერი“

“იქნებ, პირველი ვაქცინაციის დროს და ურწმუნოთა დასანახად კი არა მარტო, ნდობის ასამაღლებლად ვაქცინაცია... იმ ასაკობრივი მოწოდებული ჯგფებიდან (პირველი ეს არის დარგში ყველაზე დიდი გამოწვევის მქონე პირები, ასაკობრივი ცენზი და ასე შემდეგ). ჩვენ ვისაუბრეთ ამ თემაზე და იქნებ, გავაკეთოთ ინიცირება. მე, მაგალითად, მზად ვარ და თანახმა ვარ, პირველი ვაქცინა, რომელიც შემოვა, როგორც ასაკით, როგორც დარგის სპეციალისტმა, როგორც საკანონმდებლო სივრცის... საჯაროდ, ყველას დასანახავად ეს ვაქცინა გავიკეთო და ვთხოვ იმ აღმასრულებელი ხელისუფლებიდან ვინც არის, არასამთავრობო სექტორიდან ვინც არის... საპატრიარქოს მივმართავ დიდი მოკრძალებით და ქედის მოხრით (მათი რწმენისა და გავლენისა ადამიანის რწმენაზე) და ვთხოვ, რომ პირველი ვაქცინაციის დროს სახალხოდ, ერთად გავიკეთოთ ეს, ფრონტალურად, რომ ადამიანებს მივცეთ რწმუნებითი ნაწილი, რომ ეს უსაფრთხოა.“

“უნდა ვიცოდეთ ისიც, რომ მხოლოდ სიტყვით ღვთის სიყვარული არაფრის მომცემია, თუ იგი საქმით, მოყვასთან მიმართებაში, არ ჰპოვებს მუდმივად გამოვლენას. მოყვასის სიყვარულიც აზრს კარგავს და ამპარტავნების მიზეზად იქცევა მათთვის, ვისაც თავისი ქველმოქმედებით საკუთარი პიროვნების წარმოჩენა სურს და სიკეთეს ღვთისა და მოყვასის უანგარო სიყვარულით არ აღასრულებს.“

“ჩემი შტაბის ერთ-ერთი წევრი, ადამიანი, რომელიც მხარს მიჭერდა, და რომელმაც პირველად შემოხაზა ხუთიანი, 2007 წლის 7 ნოემბერს იმდენად იყო ნაცემი, რომ დღემდე კორსეტით დადის. ეს ჩემთვის უდიდესი პასუხიმგებლობა იყო. 50% ჩემს შტაბში მომუშავე ადამიანებისა, „ნაციონალური მოძრაობის" ამომრჩევლები არ იყვნენ... ნახელისუფლარი პარტია ვართ და მეტი მუშაობა გვჭირდება, რათა დავარწმუნოთ ხალხი, რომ ჩვენ საკუთარ შეცდომებზე ვისწავლეთ. “

“მგონია, რომ უნდა გვაშფოთებდეს და მე მაშფოთებს, რომ ჩემს მშობლიურ უბანში, პლეხანოვზე, ისეთი ანტისახელმწიფოებრივი იდეებით მანიპულირების შედეგად, როგორიცაა, მაგალითად - „გახდი ეპისკოპოსი და არ წახვალ ჯარში“, არაერთმა განათლებულმა და ძალიან პატივსაცემმა ახალგაზრდა ადამიანმა ანტისახელმწიფოებრივად მოქმედ პოლიტიკურ ძალას მასიურად მისცა ხმა.“