“ბატონი პრემიერის სურვილის შესახებ მე არ მაქვს ინფორმაცია. მე დავემორჩილები მის გადაწყვეტილებას - არა სურვილებს, არამედ მის გადაწყვეტილებას. დაველოდოთ ბატონი პრემიერის გადაწყვეტილებას.“

“როგორც გითხარით, კონცერტები და ნაძვისხის ანთება, რადგან შეუძლებელია ადამიანების მობილიზება და ეს რისკ წარმოადგენს არსებულ ვითარებაში, შესაძლებელი იქნება, რომ ტელეეთერებიდან ვნახოთ ეს ყველაფერი და მაქსიმალურად შევეცდებით, რომ ამ რთულ ვითარებაში, თქვენი, ადამიანების განწყობა მაქსიმალურად შევამსუბუქოთ და მაქსიმალურად მხარი დაგიჭიროთ. ზოგადად, ფროიდს აქვს ნათქვამი - რომ იცოდეთ რამხელა ძალა აქვს თქვენს ფიქრებს, ცუდად არასდროს იფიქრებდითო. ძალიან მნიშვნელოვანია, ეს ყველაფერი გავითვალისწინოთ, მართლა ძალიან დიდი ძალა აქვს ჩვენს ფიქრებს. ძალიან კარგად მესმის სირთულეები, ძალიან კარგად მესმის გაჭირვება, მაგრამ ერთიანი ძალისხმევით, ჩვენი სოლიდარობით, ერთად დგომით, ყველაფერს გადავლახავთ და ყველაფერს მოვაგვარებთ. “

“ეს, არათუ ერთპარტიული პარლამენტია, ეს არის საქართველოს ისტორიაში ყველაზე მრავალპარტიული, პლურალისტური პარლამენტი. რაც შეეხება ოპოზიციას, ჩვენ საქმე გვაქვს ხელოვნურად შექმნილ ე.წ. პოლიტიკურ კრიზისთან - ის ეფუძნება სიყალბეს და აქედან გამომდინარე მას არ აქვს პერსპექტივა“

“ჩვენ გავამხნევეთ პრემიერი და როცა ვამხნევებდით პრემიერს, მან თქვა, რომ საკმაოდ მხნედ ვარო... კი, ჩვენ ვამხნევებდით ბუნებრივია, მაგრამ პირდაპირ გვითხრა, რომ გამხნევებული ვარ, კარგად ვარ, ფორმაში ვარ და ეს ძალიან ღირებულია ჩვენთვის. იმიტომ, რომ ჩვენ აბსოლუტურად არაორდინარულ გარემოში გვიწევს ცხოვრება და ეს ყველას კარგად უნდა გვესმოდეს. აქ ყველას ჩვენი წილი პასუხისმგებლობა გვაქვს და ამაზეც იყო საუბარი.“

“ეს მისი გაცხადებები უკვე რაღაცა ანეკდოტს ემსგავსება და ძალიან მიჭირს სერიოზული კომენტარის გაკეთება. ჩამოვა, არ ჩამოვა... იმასაც გეტყვით ახლა, რა თქმა უნდა, ნახევრად ხუმრობით, რომ პანდემიაა, მთელი მსოფლიო გადავიდა დისტანციურ რეჟიმზე. გამიგია მე დისტანციური მუშაობა, გამიგია დისტანციური სწავლება, მაგრამ დისტანციური პრემიერობის კანდიდატობა „ნაციონალების“ ნოუ-ჰაუა. ეს ძალა არის წარსულის ძალა, ეს პოლიტიკოსი, მათი ლიდერი გახლავთ წარსულის პოლიტიკოსი და ესენი ცდილობენ ისევ წარსულ მოგონებებში ჩაითრიონ ქვეყანა.“

“ჩვენ ვართ ძალიან თავმდაბალი მთავრობა, ძალიან თავმდაბალი პოლიტიკური გუნდი. იმიტომ, რომ ძალიან ბევრ რამეს ვაკეთებთ ისეთს, რაც არც ხმაურდება და არც თვითპიარით არ ვართ გატაცებულები. ელემენტარულად, ვისაც ახსოვს წინა ხელისუფლება, დამეთანხმება ამაში. რაც შეეხება იმას, რომ კოვიდფონდი იხარჯება ახლა და კოვიდფონდში 130 მილიონი შეგროვდა, საიდანაც 100 მილიონი არის ბიძინა ივანიშვილის შენატანი, ეს არის ფაქტი... 100 მილიონი რომ შეიტანა ფონდში ბიძინა ივანიშვილმა ხომ ფაქტია?! არაფერი დაშავდება კიდევ ერთხელ რომ შევახსენოთ საზოგადოებას. მე ძალიან მოხარული ვარ, რომ შინაარსობრივად ვერ გვედავება ვერავინ ვერაფერს, ესეიგი სწორად ვიქცევით“

“მე ყოველთვის ძალიან მომწონდა გიორგი ვაშაძე, როგორც ბევრი სხვა ადამიანი. ყოველთვის იმედებს ვამყარებდი, მინდა ხოლმე შანსი მივცე ადამიანს. ზოგი ამართლებს ამ შანსს და ზოგი არ ამართლებს. ხელით მთელი ცხოვრება ვერავის ვერ ვათრევ. სანამ რაღაც ჯგუფში მუშაობდა, მას თავისი სასარგებლო ფუნქცია ჰქონდა და ამ ფუნქციას ასრულებდა ნამდვილად... ფაქტია, რომ ვაშაძე გადავიდა ბნელ მხარეს, ბნელ მხარეს, არასწორ მხარეს. აქ უნდა იყოს შავი და თეთრი, ნათელი და სიბნელე. ადამიანი თუ გადადის ბნელ მხარეს, ის არის ბნელ მხარეს. არ ვიცი, ჩხარტიშვილმა გადაატრიალა თუ ვინ გადაატრიალა.“

“„დიდუბე-ჩუღურეთი არის ის რაიონი, რომელსაც სხვა ყველა რაიონთან შედარებით, პირადად აქვს განცდილი აყვავებისა და ოქროს ხანა. თამარ მეფემ დიდუბეში გადაიხადა დავით სოსლანთან ქორწილი. რატომ?! იმიტომ რომ ეს იყო აბსოლუტური წალკოტი. დღეს ამ რაიონს აქვს ბევრად მეტი გამოწვევები და ამ გამოწვევებს ვერანაირად, საკუთარი პოლიტიკური და პროფესიული შესაძლებლობით ვერ უპასუხებს მაჟორიტარობის კანდიდატი გია ვოლსკი. 21-ე საუკუნეში, დიდუბე-ჩუღურეთს, თბილისსა და საქართველოს სჭირდება სულ სხვა, ახალი ტიპის პოლიტიკოსი, ახალი ტიპის ხედვები. ტექნიკური შესაძლებლობებით ჩვენ დღეს გვჭირდება iPhone 11, მაშინ, როდესაც გვაქვს ფანრიანი ტელეფონი.“

“„საქართველოში საპასუხო ღონისძიებები გატარებული იყო დროულად, რაციონალურად და პროპორციულად. შედეგები არის იმდენად მდგრადი, რომ საერთაშორისო საზღვრვების გახსნის შემდეგაც კი ადგილი არ ექნება მკვეთრ, მნიშვნელოვან მატებას. რაც შეეხება მეორე ტალღას გვიან შემდგომაზე, ის ან არ იქნება ან იქნება გაცილებით უფრო რბილი, ვიდრე ეს იყო პირველი ტალღა. გარანტირებულად და თითქმის სრული პასუხისმგებლობით ვამბობ, რომ საქართველოს მოსახლეობა და მისი უსაფრთხოება არის დაცული და მას შეუძლია თავის თავს უფლება მისცეს იცხოვროს და იმუშაოს სრულფასოვანად და კონსტრუქციულად.“

“მე მჯერა, რომ არა მხოლოდ მე, არამედ საქართველო და უკრაინაც დაბადებული არიან გამარჯვებისთვის. ჩემი თანამოაზრეები და ჩემთვის ახლობელი ადამიანებიც არიან გამარჯებისთვის დაბადებულნი. სწორედ ეს არის ჩემი გზა. შემოგვიერთდით. ჩემი გზა არის მიშას გზა და ჩვენ გავიმარჯვებთ!“

“ქართველები ერთი პერიოდი ჩემგან დაიღალნენ, მაგრამ ახლა ძალიან მაფასებენ და მე მათგან სიყვარულს ვგრძნობ. ვფიქრობ, რომ არამარტო 3-5 საუკუნის შემდეგ გამიხსენებენ, მე ამაში დარწმუნებული ვარ, მაგრამ ქართველები ახლაც მაფასებენ. დავით აღმაშენებელი ყველაზე დიდი ქართველი მეფე იყო, მას არ ვედრები, მაგრამ ხუთი საუკუნის განმავლობაში მისი გახსენებაც კი არ შეიძლებოდა, მიუხედავად იმისა, რომ მან ქართული სახელმწიფოებრიობა შექმნა. ის ცუდად ახსოვდათ, რადგან ხანდახან ხისტი იყო. არც მთლად სტალინი ან კალიგულა ყოფილა, თუმცა მაინც ხისტი იყო. მასთან შედარებით არავინ ვარ, მაგრამ მგონია, რომ მასზე ბევრად ჩქარა გამიხსენებენ კარგად. ამისთვის მზად უნდა იყო, როდესაც მოძველებული დოგმების წინააღმდეგ მიდიხარ, ეს კულტურული რევოლუციაა. შენ ქვეყანას პროგრესისკენ ექაჩები, მაგრამ ტკივილი ხომ რჩება? ამიტომ, მათ აქვთ განცდა, რომ მათზე იძალადეს. დიახ, მათ ამ მხარეს მოსწონთ და უკან დაბრუნება არ უნდათ, თუმცა ადამიანი, რომელმაც ისინი მეორე ნაპირზე გადაიყვანა, მოსახლეობაში შერეულ გრძნობებს იწევს. ამას დაემატა რუსეთის პროპაგანდაც“

“ბოლო დღეების განმავლობაში იმდენი წუწუნი მესმის ჯანიანი ბიჭების ქალაქში, რომ ვაიმე, ტურისტი აღარ არის, რა გვეშველება და მთავრობა რას შვრები და როდის ჩამოვა ტურისტი და მოგვეხმარეთ და ეს ქენით და ის ქენით. რეალურად ყველას უნდა ახსოვდეს, რომ ადამიანი, მამაკაცი, კაცო, ახალგაზრდა, ჯანით და ენერგიით სავსე, ყოველთვის შეძლებს, თუ აქვს შესაბამისი სურვილი, სამართლიანობა, ღირსება, რომ ამ ქვეყანაში საქმე გააკეთოს “