“რა თქმა უნდა, დიდია პრემიერის როლი ამ საქმეში. ჩვენ ვიცით, რომ ასეთი მარტივი თემა არ არის მიწის გადმოცემა წმინდა მიწაზე საქართველოსთვის და ბოლო პერიოდში, თუ გადავავლებთ თვალი ჩვენს ისტორიას, ტერიტორიებს უფრო ვკარგავდით, ვიდრე ვიმატებდით და დაე იყოს ეს საწინდარი იმის, რომ საქართველომ თავისი ტერიტორიები დაიბრუნოს და ზოგადად, შევიძინოთ ის, რაც საბოლოო ჯამში სულიერ შედეგს მოგვიტანს “

“ოდესღაც მან [სააკაშვილმა], 18 წლის წინ დალია ჩაი, რომელმაც შეცვალა ამ ქვეყნის ისტორია. დღეს მას არ აცადეს ხინკლის ჭამა. ის აუცილებლად შეჭამს მის კუთვნილ ხინკალს და თქვენ დაგრჩებათ კუჭები, იმიტომ, რომ მეტს არაფერს იმსახურებთ“

“დღეს ჩვენს საამაყო მეცნიერებათა აკადემიაში უმძიმესი მდგომარეობაა. რა თქმა უნდა, ეს განაპირობა იმან, რომ სამეცნიერო ინსტიტუტები და დაწესებულებები, რომლებსაც ხელმძღვანელობდა მეცნიერებათა აკადემია, პრაქტიკულად, არ არსებობს. შესაბამისად, არც ის კოლექტივი, არც ის მეცნიერები არიან ჩვენი აკადემიის წევრები. მაგრამ ახლა საერთოდ გაუფასურდა, „გაპუსტიაკდა“ ჩვენი მეცნიერებათა აკადემია. კანონი, რომელიც მიღებულია მეცნიერებათა აკადემიის შესახებ, არ შეესაბამება იმ მოთხოვნებს, რომელსაც იმსახურებს საქართველოს მეცნიერებათა აკადემია, რომელსაც იმსახურებს ქართველი ხალხი და საქართველო. ვფიქრობ, აუცილებელია შესაბამისმა კომიტეტმა, ყველამ მივიღოთ. ეს კანონი ხელახლა დასაწერია, რომელიც მეცნიერებათა აკადემიას ეხება. “

“მითხარით დამოუკიდებელი საქართველოს ისტორიაში კიდევ ერთი ეპოქა, როცა იმაზე მეტი ტაძარი აშენდა, ვიდრე სააკაშვილის პირობებში ან იმაზე მეტი სამონასტრო კომპლექსი აღდგა და ჩაუტარდა რესტავრაცია, ვიდრე სააკაშვილის პერიოდში. მითხარით კიდევ ერთი მმართველობის პერიოდი, როცა თუნდაც საპატრიარქოს რეიტინგი და ნდობა იყო 99%. მითხარით კიდევ ერთი მმართველობის პერიოდი, როცა უფრო მეტად დაფასებული იყო ეკლესია და მოძღვარი. სწორედ იქ ურტყამენ რუსები, სადაც ყველაზე ძლიერია მიშა სააკაშვილი და მიშა სააკაშვილი ნამდვილად არის ძლიერი, გაუტეხელი, მას უყვარს მისი ხალხი, მას უყვარს ღმერთი და მას უყვარს ყველა რელიგიის მიმდევარი, ყველა რწმენის მიმდევარი. ის პატივს სცემს ყველას და მას ნამდვილად უყვარს მისი ეკლესია“

“მე წლების წინ ვთქვი, რომ მე მოვედი ერისკაცთან, ბიძინა ივანიშვილთან, ვიყავი მისი ერთგული თანამებრძოლი, ვარ და დავრჩები სიცოცხლის ბოლომდე. ვფიქრობ, რომ როდესაც მიდის ამ კატეგორიის, ამ შეუფასებელი დონის ადამიანი პოლიტიკიდან, მე - მის თანამებრძოლს, არ მრჩება ძალა, იმიტომ, რომ ის იყო ჩემთვის ყველაფერი“

“მე ვიცი, რომ ბატონი ალეკო მეთანხმება ციხე-სიმაგრეების პრივატიზებაში. უცნაური თემაა. ციხე-სიმაგრეებს, რომლებიც ინგრევა მთელ საქართველოში, არავინ კაციშვილი პატრონი არ ჰყავს. არსებობენ ადამიანები, რომლებისთვისაც ეს შეიძლება ყოფილიყო ცხოვრების სიამოვნება - ამ ქონების მიხედვა და გაცოცხლება ახლიდან. ისევე, როგორც ნებისმიერი იმ სიმდიდრის, რომელიც ჩვენ გაგვაჩნია“

“პანდემია, არის უხილავი ომი, რომელსაც ხალხი საავადმყოფოებში და სიკვდილამდე მიჰყავს. ანადგურებს სოციალურ ურთიერთობებს, ამცირებს ეკლესიის მრევლს, ხურავს უნივერსიტეტებსა და სკოლებს, ქმნის ეკონომიკურ პრობლემებს. ამ ომში ერთ-ერთი მთავარი იარაღია ვაქცინაცია, რომელიც აღადგენს საზოგადოების ნორმალურ ყოფას. ასეთ ომში მდგომარეობა უფრო საშიშია, ვიდრე ვაქცინის შესაძლო გვერდითი ეფექტები. ისინი, ვინც ქრისტიანებს ურჩევენ, არ მიიღონ პრევენციული ზომები, პასუხისმგებელნი არიან ადამიანთა ავადმყოფობასა და მათ გარდაცვალებაზე.“

“მედიათავისუფლებას არაფერი არ ემუქრება. ყველა ნებისმიერი განცხადება, მით უმეტეს შავ ტანსაცმელში გამოწყობილი, ტრაურის სახით გამოსული ჟურნალისტებისა, არანაირად არ შეესაბამება რეალობას, რომელიც საქართველოშია... ...პროკურატურის ნებისმიერი გადაწყვეტილება უნდა იყოს სასამართლოს მიერ დაშვებული. ასე რომ, აი, აქ იურიდიული კაზუისტიკა ჩემი და თქვენი სფერო არაა. „It's not our cup of tea“, - როგორც ამერიკელები ამბობენ.“

“როცა ავტომობილს მართავს მძღოლი და ხშირად ავტომობილს ჰყავს ერთი მძღოლი, ანუ წინ ზის სწორედ მძღოლი. როცა ავტომობილში შესაძლოა არა ოჯახის წევრი იყოს ეს მგზავრი, შეიძლება, დღეში რამდენჯერმე იცვლებოდეს, მაგალითად ტაქსიში - შეუძლია გაუჩეროს თანასოფლელს, თანამოქალაქეს, მეზობელს და ა.შ. მაგრამ უკან თუ ზის ცოლ-ქმარი, მაშინ მათ გადამოწმებაც არ სჭირდებათ, რადგან დისტანცია მძღოლთან უკვე დაცულია და მის გვერდში სიახლოვეს ის არ ზის. ამიტომ ქორწინების მოწმობის შემოწმება ამ შემთხვევაში საჭირო არაა. ამიტომ ამაზე საუბარი სპეკულაციაა.“

“კალაძის თავში ვცდილობ შევძვრე და ვგრძნობ დიდ უხერხულობას, იმიტომ, რომ მხოლოდ 8 საათზე მათ მიერ გამართული ზეიმი და ტაშფანდური უკვე არის პოლიტიკური ზიანი მისთვის პირადად. იმიტომ, რომ ხვალ და ზეგ რომ ვეტყვი, ჩემო კახი, რატომ იზეიმე? პასუხი არ ექნება ამ ადამიანს. მარტო ამ ელემენტარულ, ტრივიალურ კითხვაზე პასუხი არ ექნება“

“ჩვენ ვართ ძალიან თავმდაბალი მთავრობა, ძალიან თავმდაბალი პოლიტიკური გუნდი. იმიტომ, რომ ძალიან ბევრ რამეს ვაკეთებთ ისეთს, რაც არც ხმაურდება და არც თვითპიარით არ ვართ გატაცებულები. ელემენტარულად, ვისაც ახსოვს წინა ხელისუფლება, დამეთანხმება ამაში. რაც შეეხება იმას, რომ კოვიდფონდი იხარჯება ახლა და კოვიდფონდში 130 მილიონი შეგროვდა, საიდანაც 100 მილიონი არის ბიძინა ივანიშვილის შენატანი, ეს არის ფაქტი... 100 მილიონი რომ შეიტანა ფონდში ბიძინა ივანიშვილმა ხომ ფაქტია?! არაფერი დაშავდება კიდევ ერთხელ რომ შევახსენოთ საზოგადოებას. მე ძალიან მოხარული ვარ, რომ შინაარსობრივად ვერ გვედავება ვერავინ ვერაფერს, ესეიგი სწორად ვიქცევით“

“სალობიეშიც ვივლი და სხვა თავშეყრის ადგილებშიც ძალიან თავისუფლად. ფეხით სიარულს გავაგრძელებ და ვიქნები ჩემ ხალხთან ერთად, სადაც საჭიროა და როგორც საჭიროა“