“ხელისუფლებამაც ალბათ ის არ გააკეთა, რაც უნდა გაეკეთებინა. მოდით კონკრეტულად ვთქვათ: პრეზიდენტი - მას ხომ უკეთესად აქვს პულსზე ხელი დადებული და ხედავს, რისი გაკეთებაა საჭირო და რისი არა. აი, მაგალითად იგივე ნიკა გვარამიასთან დაკავშირებით. მე, ერთი დეპუტატი დავით ზილფიმიანი რეკომენდაციას ვუწევ გათავისუფლებაზე. რატომ? იმიტომ, რომ არ სჭირდება ამას შესვლა ავ-კარგობაზე ჩვენი სასამართლო სისტემის, ეს არ მოიგულისხმება კანონით, უბრალოდ შეგიძლია შეიწყალო და მორჩა. დამატებით გვინდა რაღაც გამართლება ამის?! დიახ, ბევრ ოპოზიციონერზე უფრო გონიერი და უფრო ინტელექტუალია. რატომ მიგვყავს აქამდე საქმე, თუკი გრძნობ, რომ შველა შეიძლება“

“პოლიტიკურ გადაწყვეტილებას მივიღებთ და ყველაფერი თავის ადგილზე დადგება. ქვეყანაში სტაბილურობა შენარჩუნებული იქნება და მომავლის პერსპექტივა არ შეიცვლება. სტრატეგია ქვეყანას არ ეცვლება, ყველაფერი დადგება თავის ადგილზე.“

“„ირაკლი ღარიბაშვილი არის ევრო-ატლანტიკური ინტეგრაციის გზაზე უდიდესი ძალა – ევროკავშირთან ასოცირების ხელშეკრულების ხელმომწერი და ნატოსთან ყველაზე მჭიდრო ურთიერთობის სტადიაზე ქართული თავდაცვის გადამყვანი. წარმატებას ვუსურვებ ირაკლის“, – წერს „ქართული ოცნების“ დეპუტატი თამარ ტალიაშვილი Facebook-ზე.“

“ბატონი პრემიერის სურვილის შესახებ მე არ მაქვს ინფორმაცია. მე დავემორჩილები მის გადაწყვეტილებას - არა სურვილებს, არამედ მის გადაწყვეტილებას. დაველოდოთ ბატონი პრემიერის გადაწყვეტილებას.“

“ეს, არათუ ერთპარტიული პარლამენტია, ეს არის საქართველოს ისტორიაში ყველაზე მრავალპარტიული, პლურალისტური პარლამენტი. რაც შეეხება ოპოზიციას, ჩვენ საქმე გვაქვს ხელოვნურად შექმნილ ე.წ. პოლიტიკურ კრიზისთან - ის ეფუძნება სიყალბეს და აქედან გამომდინარე მას არ აქვს პერსპექტივა“

“იქნებ, პირველი ვაქცინაციის დროს და ურწმუნოთა დასანახად კი არა მარტო, ნდობის ასამაღლებლად ვაქცინაცია... იმ ასაკობრივი მოწოდებული ჯგფებიდან (პირველი ეს არის დარგში ყველაზე დიდი გამოწვევის მქონე პირები, ასაკობრივი ცენზი და ასე შემდეგ). ჩვენ ვისაუბრეთ ამ თემაზე და იქნებ, გავაკეთოთ ინიცირება. მე, მაგალითად, მზად ვარ და თანახმა ვარ, პირველი ვაქცინა, რომელიც შემოვა, როგორც ასაკით, როგორც დარგის სპეციალისტმა, როგორც საკანონმდებლო სივრცის... საჯაროდ, ყველას დასანახავად ეს ვაქცინა გავიკეთო და ვთხოვ იმ აღმასრულებელი ხელისუფლებიდან ვინც არის, არასამთავრობო სექტორიდან ვინც არის... საპატრიარქოს მივმართავ დიდი მოკრძალებით და ქედის მოხრით (მათი რწმენისა და გავლენისა ადამიანის რწმენაზე) და ვთხოვ, რომ პირველი ვაქცინაციის დროს სახალხოდ, ერთად გავიკეთოთ ეს, ფრონტალურად, რომ ადამიანებს მივცეთ რწმუნებითი ნაწილი, რომ ეს უსაფრთხოა.“

“კაცი რომ ხინკლით გასკდება, და მივა და არჩევნებს გააყალბებს; კაცი, რომ დარბის იმისთვის, რომ ხმები შეუგროვოს „ქართულ ოცნებას", რადგან საღამოს პურს აჭმევენ და 20-ლიტრიან ბოცას დაუდგამენ... იმას რა ღირებულებები უნდა მოსთხოვო? ეს კატეგორია ბევრი არ არის, მაგრამ არიან, ობიექტურად ვთქვათ“

“მსოფლიო განიცდის იმას, რაც ხდება მსოფლიოში. მე მატყობინებენ, რომ ზოგიერთ ქვეყანაში დაკეტილია ტაძრები, დაკეტილია მონასტრები და ხალხი იძულებულია წავიდეს სოფლებში და იქ ილოცოს, იქ დაესწროს წირვას. ჩვენ თავისუფლად ვართ აქა - დიდება უფალს და მადლობა უფალს. თქვენ როგორ ფიქრობთ, ეს [კორონავირუსი] სასჯელია თუ გაფრთხილება? ეს არის გაფრთხილება. ეს არის მოქცევა და ჩვენ ვმადლობთ უფალს, რომ უფალი განიცდის ჩვენთან ერთად“

“30 ოქტომბერს ჩვენ ძალიან მშვიდ არჩევნებს ჩავატარებთ, მშვიდად, მტკიცედ. ჩვენ სრული მობილიზაცია გვაქვს გამოცხადებელი, რომ არცერთი ჩვენი ამომრჩეველი არ დარჩეს სახლში. უნდა გავიმარჯვოთ დიდი უპირატესობით“

“„აი, ასეთ ღირსეულ სახელქვეშ ამოფარებულ ჯგუფებში ბუდობენ საშიში ადამიანები, ყველაფერზე წამსვლელები, ჰეითერები, ბულერები მიზანი ნათელი აქვთ, უნდა შეგავიწროვონ, შეურაცგყონ, დაგამცირონ რომ მერე მათი მოსაზრების გარდა არავის აზრი არ ისმოდეს... სტანდარტული მოძალადის ფსიქიკა, რაც უკვე გვინახავს და გამოგვიცდია... გაგრძელებაა იმ სამარცხვინო წარსულის, რაც 2012 წელს ერმა ისტორიას ჩავაბარეთ"“

“ოდესღაც მან [სააკაშვილმა], 18 წლის წინ დალია ჩაი, რომელმაც შეცვალა ამ ქვეყნის ისტორია. დღეს მას არ აცადეს ხინკლის ჭამა. ის აუცილებლად შეჭამს მის კუთვნილ ხინკალს და თქვენ დაგრჩებათ კუჭები, იმიტომ, რომ მეტს არაფერს იმსახურებთ“

“მე ყოველთვის ძალიან მომწონდა გიორგი ვაშაძე, როგორც ბევრი სხვა ადამიანი. ყოველთვის იმედებს ვამყარებდი, მინდა ხოლმე შანსი მივცე ადამიანს. ზოგი ამართლებს ამ შანსს და ზოგი არ ამართლებს. ხელით მთელი ცხოვრება ვერავის ვერ ვათრევ. სანამ რაღაც ჯგუფში მუშაობდა, მას თავისი სასარგებლო ფუნქცია ჰქონდა და ამ ფუნქციას ასრულებდა ნამდვილად... ფაქტია, რომ ვაშაძე გადავიდა ბნელ მხარეს, ბნელ მხარეს, არასწორ მხარეს. აქ უნდა იყოს შავი და თეთრი, ნათელი და სიბნელე. ადამიანი თუ გადადის ბნელ მხარეს, ის არის ბნელ მხარეს. არ ვიცი, ჩხარტიშვილმა გადაატრიალა თუ ვინ გადაატრიალა.“