უკრაინის ქალაქ მიკოლაევის სამხედრო ადმინისტრაციის ხელმძღვანელის, ვიტალი კიმის განცხადებით, დღეს დილით რუსეთმა მიკოლაევის 2 უნივერსიტეტი დაბომბა. მისი თქმით, რუსეთმა სულ მცირე ათი რაკეტა ესროლა მათ. ინფორმაციას უკრაინული გამოცემა Ukrinform ავრცელებს.
„დღეს რუსი ტერორისტები თავს დაესხნენ მიკოლაივის ორ უმსხვილეს უნივერსიტეტს. სულ მცირე ათი რაკეტა ისროლეს. ახლა ისინი თავს ესხმიან ჩვენს განათლებას. ვთხოვ ყველა დემოკრატიული ქვეყნის უნივერსიტეტს, განაცხადონ, რომ რუსეთი არის ის, რაც სინამდვილეში არის – ტერორისტი“, – განაცხადა ვიტალი კიმმა.
Today russia-Terrorist attacked 2 biggest Universities in Mykolayiv. At least 10 missiles. Now they attack our education. I’m asking Universities of all democratic countries to claim russia what it is really is- the Terrorist pic.twitter.com/VNiRxNbT89
— Віталій Кім / Vitaliy Kim (@vitalij_kim) July 15, 2022
