„რადიო თავისუფლების“ უკრაინული სამსახურის ჟურნალისტი და პროდიუსერი ვერა გირიჩი კიევში რუსეთის სარაკეტო თავდასხმას ემსხვერპლა.
რუსული არმიის მიერ ნასროლი რაკეტა გუშინ ვერა გირიჩის საცხოვრებელ სახლს მოხვდა. რაკეტამ 25-სართულიანი შენობის პირველი და მეორე სართულები ნაწილობრივ გაანადგურა.
„რადიო თავისუფლების“ ინფორმაციით, დაღუპული ჟურნალისტი დღეს შენობის ნანგრევებში იპოვეს. თავდასხმის შედეგად დაშავებული 4 ადამიანი საავადმყოფოშია გადაყვანილი.
ვერა გირიჩი წამყვან უკრაინულ ტელევიზიებში მუშაობდა, 2018 წლის 1 თებერვლიდან კი „რადიო თავისუფლების“ ჟურნალისტი გახდა.
