დასრულდა საბავშვო ლიტერატურის კონკურსი ოქროს ბუმბული, რომლის ორგანიზატორია ქარჩხაძის გამომცემლობა.
კონკურსი მიმდინარეობდა მიმდინარე წლის სექტემბერ-დეკემბრის თვეებში. საკონკურსოდ მიიღებოდა ქართულ ენაზე დაწერილი, გამოუქვეყნებელი, საბავშვო ნაწარმოებები. პრემია გაიცემოდა 3 ნომინაციაში:
- საუკეთესო საბავშვო რომანი – 5000 ლარი
- საუკეთესო საბავშვო მოთხრობების კრებული – 5000 ლარი
- საუკეთესო ნახატებიანი წიგნი – 5000 ლარი
სულ შემოვიდა 53 ნაწარმოები, მათ შორის:
- საუკეთესო საბავშვო რომანი – 13 ნაწარმოები
- საუკეთესო საბავშვო მოთხრობების კრებული – 21 ნაწარმოები
- საუკეთესო ნახატებიანი წიგნი – 19 ნაწარმოები
ოქროს ბუმბულის გამარჯვებულები 10 დეკემბერს, ტვ ფორმულას დილის ეთერში გამოცხადდა.
კონკურსის გამარჯვებულები გახდნენ:
- ნესტან კუპრავა – “იდემ სბეფემი სტუმრად ჩამოდის”, ნომინაციაში “საუკეთესო საბავშვო რომანი”
- ლელა ცუცქირიძე – “სამჯერ ხუთი”, ნომინაციაში “საუკეთესო საბავშვო მოთხრობების კრებული”
- ნომინაცია “საუკეთესო ნახატებიანი წიგნი” გაიყო ორად: თეა თოფურია და ანასტასია სლოვინსკაია – “სახლი მწიფე გარგრის ქუჩაზე”, და ლელა ცუცქირიძე და ელისაბედ ფირცხალავა – “მართიკოს ვაშლის ხე”
ჟიურის წევრები იყვნენ: ლეილა ბერიაშვილი, ლია ლიქოკელი, ოთარ ყარალაშვილი, ბაკურ სულაკაური, გია ქარჩხაძე.
ლიტერატურული კონკურსის პარალელურად და საბავშვო ლიტერატურის თემის წინ წამოსაწევად, ჩატარდა ესეების ქვე-კონკურსი, საქართველოს სკოლების დამამთავრებელი კლასების მოსწავლეებისათვის, ესეების ქვეკონკურსის გამარჯვებული თბილისის 64-ე საჯარო სკოლის X კლასის მოსწავლე ანი ბექაური გახდა. ესეების კონკურსის კორდინატორი იყო დიანა ანფიმიადი.
ქარჩხაძის გამომცემლობა ულოცავს გამარჯვებულებს, და მადლობას უხდის კონკურსის თითოეულ მონაწილეს.
განსაკუთრებული მადლობა პროექტის ხელშემწყობებს: თბილისის მერიას, საქართველოს განათლების, მეცნიერების, კულტურისა და სპორტის სამინისტროს, და პროექტის საინფორმაციო მხარდამჭერს, ტელეკომპანია ფორმულას.
