საქართველოს მე-5 პრეზიდენტი, სალომე ზურაბიშვილი მიუნხენის უსაფრთხოების კონფერენციაზე საფრანგეთის საგარეო საქმეთა მინისტრს, ჟან-ნოელ ბაროს შეხვდა.
ზურაბიშვილმა შეხვედრის შესახებ X-ზე დაწერა და თქვა, რომ ჟან-ნოელ ბაროსთან საქართველოში მიმდინარე უწყვეტი აქციების შესახებ ისაუბრა.
„პროდუქტიული საუბარი მქონდა მინისტრ ჟან-ნოელ ბაროსთან საქართველოში მიმდინარე უწყვეტი აქციების შესახებ. ვისაუბრეთ დამატებით ნაბიჯებზე, რომლებიც შეიძლება გადაიდგას როგორც ეროვნულ, ისე ევროკავშირის დონეზე. ხაზი გავუსვი საქართველოს სამოქალაქო საზოგადოების და თავისუფალი მედიის მხარდაჭერის აუცილებლობას“, — თქვა ზურაბიშვილმა.
ზურაბიშვილმა ასევე განაცხადა ლატვიის პრეზიდენტთან, ედგარ რინკევიჩთან შეხვედრაზეც.
მისი თქმით, ლატვიის პრეზიდენტთან ქართველი ხალხის მხარდაჭერასა და ახალი, თავისუფალი და სამართლიანი არჩევნების ურყევ ნებაზე ისაუბრა.
Discussions with President of @edgarsrinkevics on the support of the Georgian people and their unwavering will for new, free and fair elections. Stronger together! #MSC2025 pic.twitter.com/z1rJA6SE0T
— Salome Zourabichvili (@Zourabichvili_S) February 15, 2025
მიუნხენის უსაფრთხოების კონფერენციაზე იმყოფება გიორგი გახარიაც, რომელიც სალომე ზურაბიშვილთან ერთად შეხვდა ევროპის საბჭოს გენერალურ მდივანს, ალენ ბერსეტს.
Met with CoE Secretary General @alain_berset in a joint meeting with @Zourabichvili_S. @MunSecConf pic.twitter.com/Vt7GMEo99J
— Giorgi Gakharia (@GakhariaGiorgi) February 15, 2025
გიორგი გახარია ასევე შეხვდა ჩეხეთის საგარეო საქმეთა მინისტრ იან ლიპავსკის.
პარტია „გახარია საქართველოსთვის“ ლიდერის თქმით, ჩეხეთის საგარეო საქმეთა მინისტრთან საქართველოს პოლიტიკური კრიზისის გადაწყვეტაზე და რეგიონულ უსაფრთხოებაზე ისაუბრა. ასევე, მადლობა გადაუხადა მას საქართველოს სუვერენიტეტისა და ტერიტორიული მთლიანობისადმი მუდმივი მხარდაჭერისთვის, ისევე როგორც მისი პრინციპული პოზიციისთვის ოკუპირებულ აფხაზეთში ე.წ. „საპრეზიდენტო არჩევნების“ არ აღიარებაზე.
🇬🇪🇨🇿 Important meeting with Czech FM @JanLipavsky at #MSC2025, focusing on solutions to Georgia’s political crisis and regional security.
Grateful for Czechia’s continues support for Georgia’s sovereignty & territorial integrity, as well as its principled stance in not… pic.twitter.com/v6VbpHp2TX
— Giorgi Gakharia (@GakhariaGiorgi) February 15, 2025
გახარია შეხვდა ლიეტუვის საგარეო საქმეთა მინისტრს, კესტუტის ბუდრისსაც. მათ საქართველოში არსებული პოლიტიკური კრიზისი განიხილეს.
🇬🇪🇱🇹 Discussed Georgia’s political crisis with Lithuanian FM @BudrysKestutis at #MSC2025, highlighting the urgent need for decisive international action.
Lithuania has been a strong supporter of Georgia’s democracy & European future, standing firmly in solidarity with the… pic.twitter.com/2Urh4aW1vX
— Giorgi Gakharia (@GakhariaGiorgi) February 15, 2025
მიუნხეში ასევე იმყოფება რესპუბლიკელი კონგრესმენი და აშშ-ის ჰელსინკის კომისიის თანათავმჯდომარე, ჯო უილსონიც.
„მადლობელი ვარ, რომ შევხვდი ჩემს კარგ მეგობარს, საქართველოს ლეგიტიმურ პრეზიდენტ სალომე ზურაბიშვილს! არალეგიტიმურმა ივანიშვილმა გააყალბა არჩევნები ოქტომბერში და ახლა საქართველოს დიქტატურად აქცევს. გვჭირდება სასწრაფო სანქციები რეჟიმისთვის. თავისუფალი და სამართლიანი არჩევნები ერთადერთი გზაა!“ — დაწერა უილსონმა X-ზე.
მიუნხენში ზურაბიშვილი შეხვდა ჩეხეთის პრეზიდენტს, პეტრ პაველსაც, რომელსაც საქართველოში პოლიტიკური კრიზისის დასაძლევად ახალი არჩევნების აუცილებლობაზე და საარჩევნო პროცესის უსაფრთხოების უზრუნველყოფის მნიშვნელობაზე ესაუბრა.
Good discussion with @prezidentpavel on the necessity of new elections in Georgia to overcome the political crisis and importance of ensuring the security and integrity of the electoral process in 🇬🇪 and other european countries to counter russian disruptive hybrid strategies pic.twitter.com/QfeYUq2tKB
— Salome Zourabichvili (@Zourabichvili_S) February 15, 2025
სალომე ზურაბიშვილმა შეხვედრა გამართა მოლდოვის პრეზიდენტ მაია სანდუსთანაც. ზურაბიშვილმა მასთან „ქართული ოცნების“ რეჟიმის მზარდ რეპრესიებზე, რუსეთის ჰიბრიდულ ტაქტიკასა და მზია ამაღლობელზე ისაუბრა.
With @sandumaiamd discussed the growing repressions by the GD’s regime, Russia’s hybrid tactics and its challenges to the EU. Stressed urgent actions for Mzia Amaghlobeli’s release. Grateful for her support in our fight for freedom and a European future pic.twitter.com/APqSqV2aif
— Salome Zourabichvili (@Zourabichvili_S) February 15, 2025
სალომე ზურაბიშვილი შეხვდა ლუქსემბურგის პრემიერ-მინისტრ ლუკ ფრიდენსაც.
