სანამ საქართველოში სკოლები დაკეტილია, ამერიკელი დიპლომატები ბავშვებს ფეისბუქის პირდაპირი ეთერის საშუალებით მოთხრობებს წაუკითხავენ, – ამის შესახებ ინფორმაციას საქართველოში ამერიკის საელჩო ავრცელებს.
„გვსურს, ბავშვებს სწავლის გაგრძელებაში დავეხმაროთ. ფეისბუქლაივის მეშვეობით სამუშაო დღეებში 14:00 საათიდან ამერიკელი დიპლომატი ინგლისურად წაგიკითხავთ და გესაუბრებათ თავის საყვარელ მოთხრობაზე. ინგლისურის სამეცადინოდ და ამერიკის შესახებ მეტის გასაგებად ეს შესანიშნავი შესაძლებლობაა“, –- წერია სოციალურ ქსელში გამოქვეყნებულ პოსტში.
მათი ცნობით, პირველი მოთხრობა, რომელსაც ალთეა ქოლი-მერფრი წაგიკითხავთ დოქტორ სიუსის „ლორაქსია”.
კორონავირუსთან დაკავშირებით მოქმედი უწყებათაშორისი საბჭოს გადაწყვეტილებით, საქართველოს მასშტაბით, სასწავლო დაწესებულებებში არდადეგები პირველ აპრილამდე გახანგრძლივდა.
