საქართველოში კორონავირუსით კიდევ ერთი ადამიანი გარდაიცვალა. დღეს უკვე მეორე გარდაცვლილია, რომლის შესახებაც ცნობილი გახდა. ჯამში გარდაცვლილთა რაოდენობა 34 გახდა. ინფორმაცია ამის შესახებ Stopcov.ge-ზე განახლდა.
34-ე გარდაცვლილი 70 წლის მამაკაცი იყო.
„პაციენტს ჰქონდა ტუბერკულოზი. ბოლო პერიოდში დამძიმდა მისი მდგომარეობა და ჩატარებული რეანიმაციული ღონისძიებების მიუხედავად, მისი გადარჩენა ვერ მოხერხდა”, -ამბობს საჩხერის სამედიცინო ცენტრის დირექტორი მიხეილ ქამუშაძე.
საქართველოში კორონავირუსის 314 ახალი შემთხვევა გამოვლინდა და ჯამში ინფიცირებულთა რაოდენობა 5 866 გახდა. ახალი შემთხვევებიდან 225 აჭარაში გამოვლინდა.
განახლებული მონაცემები ასეთია:
- კორონავირუსის დადასტურებული შემთხვევა – 5 866;
- მათ შორის გამოჯანმრთელებული – 2 324;
- მათ შორის გარდაცვლილი – 34;
- კარანტინის რეჟიმში – 5 637;
- სტაციონარში მეთვალყურეობის ქვეშ – 836;
- კოვიდ სასტუმროში მყოფი პირები – 800;
- *უცხოეთიდან სამკურნალოდ გადმოყვანილი საქართველოს მოქალაქეები – 41.
