„მწერალთა სახლისა” და „წიგნის გამომცემელთა და გამავრცელებელთა ასოციაციისა“ და დაკვეთით „ეისითიმ” ქართლი წიგნის ბაზრის კვლევა ჩაატარა.
კვლევის რამდენიმე მიგნება მიუთითებს, რომ მთლიანობაში ქალები უკეთესი მკითხველები არიან, ვიდრე კაცები.
მაგალითად:
- წიგნის კითხვის პრაქტიკის თვალსაზრისით, კაცებთან შედარებით ზოგადად ქალები საგრძნობ უპირატესობას ფლობენ (ქალები – 59,3%, მამაკაცები – 38,4%)
- სქესთა შედარებისას დადგინდა, რომ ასევე აქტიურად, მინიმუმ კვირაში ერთხელ მკითხველი ქალები (59%) აჭარბებენ კაცებს (49%).
- თუ ქალებისთვის წიგნის შერჩევისას თითქმის თანაბრად მნიშვნელოვანია შინაარსი/ანოტაცია (45%) და მეგობრების/ახლობლების რჩევა (43%), კაცების ნახევარი უპირველესად მეგობრის/ახლობლის რეკომენდაციაზე დაყრდნობით ირჩევს წიგნებს (50%), შინაარსი კი შედარებით მეორეხარისხოვანია (37%).
- წიგნების შეძენისკენ უფრო მეტად ქალები არიან მიდრეკილნი (ქალი 72%, კაცი 57%).
- ქალი მკითხველების ნახევარზე მეტი (67%) ბიბლიოთეკაში წიგნის გამოსატანად მიდის, რაც აღემატება კაცების მაჩვენებელს (51%). წიგნის წასაკითხად მისულ ვიზიტორებს შორის თანაბრად აღმოაჩენთ ორივე სქესის წარმომადგენლებს (46%-46%), თუმცა იქ მეცადინეობას გოგონებზე მეტად, მცირედით მეტი ვაჟი ამჯობინებს (20% 17%-ის წინააღმდეგ). საგულისხმოა, რომ 2019 წელს ბიბლიოთეკაში მყოფი მკითხველი მამაკაცების მცირე ნაწილის (6%) ვიზიტის მიზეზს უფასო ინტერნეტით სარგებლობა წარმოადგენდა.
- სხვაობა ვლინდება სქესთა შორის წიგნის შეძენის მზაობის მხრივაც – ქალები უფრო განიხილავენ წიგნის შეძენას (68% vs 57%).
კვლევა ეფუძნება რამდენიმე მეთოდის კომბინაციას – სტატისტიკის სამსახურიდან, ეროვნული ბიბლიოთეკიდან, მწერალთა სახლიდან და ა.შ. გამოთხოვილ ინფორმაციას, პირისპირ ინტერვიუებს მკითხველებთან, ჩაღმავებულ ინტერვიუებს გამომცემლებთან თუ წიგნის მაღაზიების წარმომადგენლებთან და სხვ.
კვლევის მთავარ მიზანს წარმოადგენს 2016-2019 წლების სრული სტატისტიკური ინფორმაციის მიღება წიგნის ბაზრის ყველა კომპონენტისა (გამომცემლობები, კულტურულ-საგანმანათლებლო ცენტრები, წიგნის მაღაზიები/ელ. მაღაზიები, წიგნის სადისტრიბუციო კომპანიები, ბიბლიოთეკები, მკითხველები) და მათი საქმიანობის შესახებ. ანგარიშში მოცემულია 2020 წლის მონაცემებიც, რომლითაც შესაძლებელია წიგნის სექტორზე პანდემიის გავლენის შედეგების ანალიზი.
