უკრაინის პრეზიდენტი ვოლოდიმირ ზელენსკი ტვიტერზე ეხმაურება იტალიის პრემიერ-მინისტრის მარიო დრაგის კომენტარს, რომ მას დილით „ორმხრივი ზარი ჰქონდა დაგეგმილი ზელენსკისთან“, თუმცა საუბარი ვერ შედგა, რადგან უკრაინის პრეზიდენტი „აღარ იყო ხელმისაწვდომი“.
„დღეს დილის 10:30 საათზე ჩერნიგოვის, ჰოსტომელისა და მელიტოპოლის შესასვლელებთან მძიმე ბრძოლა მიმდინარეობდა. ხალხი დაიღუპა. შემდეგ ჯერზე ვეცდები ომის განრიგი გადავიტანო, რომ კონკრეტულ დროს დაველაპარაკო მარიო დრაგს. ამავდროულად უკრაინა განაგრძობს ბრძოლას თავისი ხალხისთვის“, – წერს ტვიტერზე ზელენსკი.
Today at 10:30 am at the entrances to Chernihiv, Hostomel and Melitopol there were heavy fighting. People died. Next time I’ll try to move the war schedule to talk to #MarioDraghi at a specific time. Meanwhile, Ukraine continues to fight for its people.
— Володимир Зеленський (@ZelenskyyUa) February 25, 2022
