„სირცხვილიას“ დირექტორი სასამართლომ დამნაშავედ ცნო და 2000-ლარიანი ჯარიმა დააკისრა

პუბლიკა

მოძრაობა „სირცხვილიას“ დირექტორი გიორგი მჟავანაძემ საქალაქო სასამართლომ დამნაშავედ ცნო და 2000-ლარიანი ჯარიმა დააკისრა. ამის შესახებ ინფორმაცია „პუბლიკას“ გიორგი მჟავანაძემ მიაწოდა.

მას შინაგან საქმეთა სამინისტრო პოლიციის მიერ კანონიერი მოთხოვნისადმი დაუმორჩილებლობას ედავებოდა.

საქმე ეხება 2022 წლის 17 მაისს გლდანი-ნაძალადევის რაიონის მე-9 განყოფილებაში მომხდარ ინციდენტს. გიორგი მჟავანაძე ამბობდა, რომ სამართალდამცველებმა მასზე იძალადეს, შემდეგ კი დააკავეს. ამ საქმეზე გამოძიება დაიწყო სპეციალურმა საგამოძიებო სამსახურმაც.

გიორგი მჟავანძე აცხადებს, რომ აპირებს სასამართლოს ამ გადაწყვეტილების გასაჩივრებას.

LB loan image desktop LB loan image mobile