თბილისში, უნივერსიტეტის მაღლივ კორპუსთან მდებარე ახალი სპორტის სასახლის შენობაში ხანძარია. შენობის სამშენებლო სამუშაოები ჯერ დასრულებული არ იყო.
როგორც „პუბლიკას“ საგანგებო სიტუაციების მართვის სამსახურში განუცხადეს, ადგილზე იმყოფებიან მეხანძრე-მაშველები შესაბამისი ძალებით მობილიზებული და მიმდინარეობს ხანძრის ლიკალიზების სამუშაოები.
ახალ სპორტის სასახლეში 2022 წელს დაგეგმილია კალათბურთში ევროპის ჩემპიონატის ერთ-ერთი ჯგუფური ეტაპის მატჩები. ევროპის ჩემპიონატი 2022 წლის 1-18 სექტემბერს ოთხ ქვეყანაში ჩატარდება. თბილისის გარდა, ჯგუფური ეტაპის მატჩებს პრაღა (ჩეხეთი), კიოლნი (გერმანია) და მილანი (იტალია) უმასპინძლებენ, ფინალური რაუნდი კი ბერლინში (გერმანია) ჩატარდება.
