პროკურორის განცხადებისა და მედიის ცნობით, თურქეთში შაბათს მთავარი ოპოზიციური პარტიის წევრი კიდევ სამი მერი დააკავეს.
როგორც „დოიჩე ველე“ (DW) წერს, ბოლო რამდენიმე თვის განმავლობაში თურქეთის ხელისუფლებამ მასშტაბური რეპრესიები დაიწყო, რის შედეგადაც დააკავეს რესპუბლიკური სახალხო პარტიის (CHP) ასობით წევრი, მათ შორის 11 მერი.
მარტში დააკავეს სტამბოლის მერი, ეკრემ იმამოღლუ, რასაც ათწლეულის განმავლობაში ყველაზე მასშტაბური საზოგადოებრივი პროტესტი მოჰყვა.
სტამბოლის მთავარი პროკურატურის განცხადებით, გამოძალვის ბრალდებით დააკავეს სამი დიდი სამხრეთული ქალაქის მერი და კიდევ რვა პირი.
CHP-ის წარმომადგენლებმა განაცხადეს, რომ დაკავებულები არიან სამხრეთით მდებარე ქალაქ ადანას, სამხრეთით მდებარე საკურორტო ქალაქ ანტალიისა და სამხრეთ-აღმოსავლეთით მდებარე ქალაქ ადიამანის მერები.
„ჩვენი ადანას მერი ზეიდან კარალარი, ანტალიის მერი მუჰიტინ ბოჩეკი და ადიამანის მერი აბდურაჰმან თუთდერე დააკავეს“, – წერს თურქეთის დედაქალაქის მერი X-ზე.
