ონლაინგამოცემა „ლაივპრესის“ ინფორმაციით, ზუგდიდის მერია ქალთა და დედის დღისადმი მიძღვნილი ღონისძიებისთვის, სასაჩუქრედ საოჯახო ელექტროტექნიკას შეიძენს.
გამოცხადებული ტენდერის მიხედვით, ზუგდიდის მერიას 20 ხორცსაკეპი მანქანის შეძენა სურს. ხორცსაკეპების შესყიდვის სავარაუდო ღირებულება 3 980 ლარია.
ზუგდიდის მერიაში „ლაივპრესს” უთხრეს, რომ მერიისგან ოც, ადგილზე მოქმედ სხვადასხვა ორგანიზაციას გაეგზავნება წერილი, ისინი კი თითო ადამიანს წარმოადგენენ, ვისაც გადაეცემა სწორედ ეს ტექნიკა.
