„ლიეტუვის საგარეო საქმეთა მინისტრი ჩამოდის თვის ბოლოს და შეიძლება მას ახლდნენ სხვა ქვეყნების საგარეო საქმეთა მინისტრები, ოღონდ რომელი ქვეყნები იქნება და რამდენი იქნებიან, ამაზე მე ინფორმაცია ოფიციალურად არ მიმიღია“, – ამის შესახებ „გირჩი – მეტი თავისუფლების“ ლიდერმა ზურაბ ჯაფარიძემ „კურიერს“ უთხრა.
მისი თქმით, ეს ფაქტი დასავლეთის ყურადღების ინდიკატორია.
მიმდინარე თვეს დაგეგმილ საგარეო საქმეთა მინისტრების ვიზიტზე ინფორმაცია 9 აპრილს გაავრცელა სალომე სამადაშვილმა. 11 აპრილს იგივე ინფორმაცია დაადასტურა „ლელოს“ ლიდერმა ბადრი ჯაფარიძემაც. ოპოზიციონერების ინფორმაციით, დელეგაციის მიზანი პოლიტიკური კრიზისის განმუხტვა იქნება.
„რადიო თავისუფლების“ კორესპონდენტი რიკარდ იოზვიაკი twitter-ზე წერს, რომ შესაძლოა, ამ კვირაში საქართველოს შესახებ ქრისტიან დანიელსონის ბრიფინგები გაიმართოს. ის ვარაუდობს, რომ უახლოეს მომავალში მესამე მედიაცია შედგება.
დღეს აშშ-ის ელჩმა კელი დეგნანმა იმედი გამოთქვა, რომ მხარეები მოსალაპარაკებლად კომპრომისზე წავლენ.
„ოცნება“ პრინციპულად მზად არის, ხელი მოაწეროს შეთანხმების დოკუმენტს – ამის შესახებ კი პარლამენტის თავმჯდომარემ განაცხადა.
