ევროკავშირის ელჩი საქართველოში, კარლ ჰარცელი ქარელის მუნიციპალიტეტის სოფელ ტახტისძირის მიმდებარედ უკანონო, ე.წ. ბორდერიზაციის პროცესს „ტვიტერზე” გამოეხმაურა და აღნიშნა, რომ განგრძობითი „ბორდერიზაცია“ საქართველოს თვითგამოცხადებული რეგიონის, სამხრეთ ოსეთის მხრიდან სრულიად დაუშვებელია.
„მოვუწოდებ დე ფაქტო სამხრეთ ოსეთის და რუსეთის უსაფრთხოების სფეროს წარმომადგენლებს, დაუყოვნებლივ შეწყვიტონ ეს ქმედებები და თავი შეიკავონ ნებისმიერი ნაბიჯებისგან, რომლებმაც შესაძლოა სიტუაციის ესკალაცია გამოიწვიოს”, – წერს ჰარცელი.
Further “borderisation” from Georgian breakaway region of South Ossetia is completely unacceptable. I call on South Ossetian and Russian security actors to immediately stop these activities and to refrain from any further steps that could escalate the situation.
— Carl Hartzell (@CarlHartzellEU) April 17, 2020
ქარელის მუნიციპალიტეტის სოფელ ტახტისძირის მიმდებარედ საოკუპაციო ძალებმა უკანონო ბორდერიზაცია განახორციელეს. სახელმწიფო უსაფრთხოების სამსახურის ინფორმაციით, უკვე გააქტიურებულია ცხელი ხაზი, ინფორმირებულია ევროკავშირის სადამკვირვებლო მისია და ჟენევის თანათავმჯდომარეები.
განცხადება გაავრცელა ამერიკის შეერთებული შტატების საელჩომაც და აღნიშნა: „ამერიკის შეერთებული შტატები ღრმად შეშფოთებულია ცნობებით, რომ რუსეთის მიერ მართულმა უსაფრთხოების სამსახურის წარმომადგენლებმა განაახლეს აგრესიული „ბორდერიზაცია” რუსეთის მიერ ოკუპირებული საქართველოს ტერიტორიის, სამხრეთ ოსეთის ადმინისტრაციულ გამყოფ ხაზზე, სოფელ ტახტისძირთან.
