ჩვენ არ ვიცით, ვინ შეიძლება იყოს უსახლკარო პირი თეორიულად, პრაქტიკაში კი განსხვავდება ეს გამოცდილება. არ გვაქვს ერთიანი განმარტება. ეს ქმნის პრობლემას მუნიციპალიტეტებისთვის, რომ განსაზღვრონ, ვის მიანიჭონ ეს სტატუსი და ვის არა. სტატუსის მინიჭება კი საბოლოოდ მაინც არ ნიშნავს საცხოვრისით დაკმაყოფილებას.

თბილისის საქალაქო სასამართლომ „ირაყლის“ საქმეზე დაკავებული აქტივისტების და უფლებადამცველების საქმის განხილვა განაახლა. 1 სექტმებერს გამოიკითხა პოლიციელი კობა კაპანაძე, რომელიც მოწმედ იყო წარმოდგენილი „საქართველოს დემოკრატიული ინიციატივის“ წარმომადგენლის, ედუარდ მარიკაშვილის დაკავების საქმეში. გამოიკითხნენ ასევე დაცვის მხარის მოწმეებიც.

„ბოდიშის მოხდით ქალბატონებთან და სასამართლოსთან, უწმაწური სიტყვები იყო, შესაბამისად, საზოგადოების თავშეყრის ადგილას არ არის ლამაზი, რომ... ჩვენი დაიკოები, დედიკოები და ბავშვები მოძრაობენ და დადიან და შესაბამისად, არ უნდა წაეკითხათ“, - ეს ციტატა პოლიციელ აღამალი ასკეროვს ეკუთვნის, რომელიც სასამართლოში მოწმის სახით დაიკითხა. მან ბოდიში მოუხადა პროცესზე დამსწრე „ქალბატონებს“, ვინაიდან უწევს ისაუბროს იმ გარემოებებზე, თუ რატომ მიიჩნია „ირაყლი“ სამართალდარღვევად.

თბილისის საქალაქო სასამართლოში 2 ივნისს პარლამენტთან მიმდინარე აქციაზე ბანერებზე წარწერა „ირაყლის“ გამო დაკავებული უფლებადამცველებისა და აქტივისტების საქმის არსებითი განხილვა დაიწყო. 5 პირის საქმეს მოსამართლე ნინო შჩერბაკოვი განიხილავს.

„სიკვდილის შემდეგ დედას უნდოდა კრემაცია და ჩვენ ეს სურვილი შევუსრულეთ, თუმცა საზღვარგარეთ“ - საქართველოში კრემაციის სერვისის მიღება შეუძლებელია

მიხეილ მახარაძე, კარატეს ეროვნული ფედერაციის აღმასრულებელი მდივანი, „პუბლიკას“ ეუბნება, რომ ფედერაციაში დაპირისპირება მას შემდეგ დაიწყო, რაც 2022 წლის 26 იანვარს ფედერაციის მაშინდელი პრეზიდენტი კახა ბასილია სახელმწიფოს კუთვნილი დიდი ოდენობით თანხის თაღლითურად დაუფლების საქმეზე დამნაშავედ ცნეს.

23 ივნისს ევროკავშირის საბჭომ ევროკომისიის მიერ 17 ივნისს ე.წ. ასოცირებული ტრიოს: საქართველოს, უკრაინის და მოლდოვის სტატუსზე გაცემული რეკომენდაციები სრულად გაითვალისწინა და უკრაინასა და მოლდოვას ევროკავშირის წევრობის კანდიდატი ქვეყნების სტატუსი, ხოლო საქართველოს ევროპული პერსპექტივა დაუმტკიცა.

სამუშაო ჯგუფმა, რომელიც საბჭოს დებულებაში ცვლილების მოსამზადებლად შეიკრიბა, უკვე ჩამოაყალიბა ის საკითხები, რომელთა მოგვარება, მათი პოზიციით, აუცილებელია საბჭოს ქმედუნარიანობისა და ეფექტურობის გასაზრდელად.

ესპანელი სიურრეალისტის, სალვადორ დალის მიერ 1954 წელს შექმნილი „პრინც გურიელის პორტრეტი“  სიმბოლოებისა და მეტაფორების ერთობლიობით ზუსტად გადმოსცემს იმ სამშობლოს, რომელიც არჩილ ჭყონია გურიელმა ემიგრაციის დროს დატოვა და უკან აღარასდროს დაბრუნებულა.

სამმა არასამთავრობო ორგანიზაციამ – კონსულტაციისა და ტრენინგის ცენტრმა (CTC),  ინფორმაციის თავისუფლების განვითარების ინსტიტუტმა (IDFI) და მმართველობითი სისტემების განვითარების ცენტრმა (MSDC) 7 რეგიონული ორგანიზაციის 19 ექსპერტის ჩართულობით, თვითმმართველობის ინდექსის 2021 წლის შეფასების შედეგები წარმოადგინა და გამჭვირვალობის რეიტინგის პირველ ხუთეულში შემავალი მუნიციპალიტეტები დაასახელა.

„პუბლიკა" დაინტერესდა, პანდემიის პირობებში როგორ უზრუნველყოფს სახელმწიფო ქუჩაში მცხოვრები ბავშვების უსაფრთხოებასა და მათზე ზრუნვის რა მექანიზმები არსებობს ქვეყანაში.